اسٹریٹ چائلڈ فٹبال ورلڈ کپ میں کامیابی پر ایم کیوایم کے قائدجناب الطاف حسین کی قومی ٹیم کو مبارک باد
امریکہ کے خلاف قومی ٹیم کی جیت ملک میں کھیلوں بالخصوص فٹبال کے فروغ کے لیے خوش آئند ہے ، الطاف حسین
لندن۔۔۔ /06اپریل2014ء
متحدہ قومی موومنٹ کے قائد جناب الطاف حسین نے برازیل میں ہونے والے اسٹریٹ چائلڈ فٹبال ورلڈکپ میں تیسری پوزیشن کے لیے امریکہ کو شکست دینے پر پاکستانی اسٹریٹ چائلڈفٹبال ٹیم کودلی مبارک باد پیش کی ہے ۔ایک تہنیتی بیان میں جناب الطاف حسین نے کہا کہ اسٹریٹ چلڈرن ٹیم کی جانب سے ورلڈ کپ میں شاندار کار کردگی دکھائی گئی جس پر پوری قوم کا سر فخر سے بلند ہوگیا ہے ۔جنا ب الطاف حسین نے امریکی فٹبال ٹیم کے خلاف پاکستانی ٹیم کی کامیابی کو ملک میں کھیلوں بالخصوص فٹبال کے فروغ کے لیے خوش آئند قرار دیتے ہوئے اسٹریٹ چائلڈ ٹیم کے ایک ایک کھلاڑی کو مبارک باد پیش کی ہے۔