ایم کیو ایم کی رابطہ کمیٹی کا سوگوار کارکنان سے اظہار تعزیت

کراچی ۔۔۔ 06اپریل 2014ء

متحدہ قومی موومنٹ کی رابطہ کمیٹی نے اورنگی ٹاؤن سیکٹر یونٹ 119کے شہید کارکن محمد جسیم شہید کے والد محترم محمد نسیم ، ایم کیو ایم کی لیگل ایڈکمیٹی میر پور خاص کے ذمہ دارافتخار حسین شاہ کے بھائی ڈاکٹر مستحصین حسین خان اور ایم کیو ایم روہڑی یونٹ 22کے کارکن اسلم کے بھائی محمد اصغر کے انتقال پر گہرے دکھ اور افسوس کا اظہار کیا ہے ۔ایک تعزیتی بیان میں رابطہ کمیٹی نے سوگوار کارکنان سے اظہار ہمدردی کرتے ہوئے مرحومین کی مغفرت اور انکے بلند درجات کے لیے دعا کی ہے ۔ 

دریں اثنا ء یونٹ 119اورنگی ٹاؤن سیکٹر کے شہید کارکن محمد جسیم شہید کے والد محمد نسیم کو ساڑھے گیار ہ نمبر قبرستا ن میں آہوں اور سسکیوں کے درمیان سپرد خاک کردیا گیا۔ مرحوم محمد نسیم کی نماز جنازہ بعد نماز ظہر جامع مسجد غو ثیہ نور بلاک Dمیں ادا کی گئی ۔ نماز جنازہ میں حق پرست ارکان اسمبلی محبوب عالم ، سیف الدین خالد ،ایم کیو ایم کی کراچی تنظیمی کمیٹی کے ارکان عابد چوہان ، محمد صغیر سمیت ایم کیو ایم کے کارکنان و ذمہ داران اور مرحوم کے لواحقین نے شرکت کی اور اس موقع پر مرحوم کے ایثال ثواب کے لیے دعا کی ۔