متحدہ قومی موومنٹ کی جانب سے اپر پنجاب زون میں بڑے پیمانے پر رکنیت سازی مہم کا آغاز کردیا گیا

آئندہ روز راولپنڈی، سرگودہ اور بکھر سمیت دیگر اضلاع میں بھی کیمپ لگائے جائیں گے

راولپنڈی:۔۔۔5؍اپریل2014ء

متحدہ قومی موومنٹ کے قائد جناب الطا ف حسین کی ہدایت کی روشنی میں متحدہ قومی موومنٹ کے جانب سے اپرپنجاب زون میں بڑے پیمانے پر رکنیت سازی مہم کا آغاز کردیا گیا ہے اور اس سلسلے میں ایم کیوایم اپر پنجاب زون کے زیراہتمام اپر پنجاب کے تمام اضلاع میں رکنیت سازی کیمپ لگائے جارہے ہیں جہاں عوام کی جانب سے رکنیت سازی مہم کے آغازسے عوام میں زبردست جوش وخروش پایا جارہا ہے اور ان کی جانب سے رکنیت سازی مہم کو زبردست پذیرائی مل رہی ہے اور مختلف شعبہ ہائے زندگی سے تعلق رکھنے والے عوام خصوصاً نوجوان طلبہ و طالبات بہت بڑی تعدادکی جانب سے کیمپ پرپہنچ کر ممبرسازی فارم حاصل کررہی ہیں اورقائد تحریک جناب الطاف حسین کے شانہ بشانہ حق پرستی کے قافلے میں شامل ہونے کیلئے فارم کوپّرکرکے کیمپ پرجمع کررہے ہیں۔رکنیت سازی مہم کے سلسلے میں گزشتہ روز ضلع جھنگ،خوشاب اورچنیوٹ میں رکنیت سازی کیمپ لگائے گئے جہاں مختلف شعبہ ہائے زندگی سے تعلق رکھنے والے افرادجن میں ڈاکٹرز،پروفیسرز،انجینئرز، وکلاء،تاجراور طلبہ وطالبات سمیت مختلف مکاتب فکرسے تعلق رکھنے والے غریب و متوسط طبقے کے عوام نے بڑی تعدادمیں کیمپ پر رابطہ کیااورکیمپس پرموجودایم کیوایم کے ذمہ داران وکارکنان سے ممبرسازی فارم حاصل کرنے کے بعد پّرکرکے جمع کروائے ۔ اپر پنجاب میں ایم کیوایم کی رکنیت سازی مہم کے سلسلے میں کل بروزاتواراسلام آباد کے علاقے جی نائن میں کراچی کمپنی ،جہلم میں مین سٹی چوک اورمیاں والی میں نوری ہاؤس پرکیمپ لگائے جائیں گے جبکہ راوالپنڈی،سرگودہ اوربکھرسمیت اپرپنجاب کے تمام اضلاع میں بھی رکنیت سازی سازی کیمپ لگائے جائینگے ۔دریں اثناء ایم کیوایم کی رابطہ کمیٹی کے رکن میاں عقیق اور ایم کیوایم اپرپنجاب کے صدرحاجی عقیق عباسی نے رکنیت سازی کیمپوں کادورہ کیااوررکنیت سازی کیلئے کیمپ پرآنے والے عوام ،طلبہ وطالبات سے ملاقات کرکے ان کا خیرمقدم کیااورانہیں ایم کیوایم میں شامل ہونے پرقائدتحریک الطا ف حسین کی جانب سے مبارکباد پیش کی۔