ایم کیوایم رابطہ کمیٹی کی سابق اولمپین اصلاح الدین سے لوٹ مار کے واقع کی مذمت

کراچی ۔۔۔ 05اپریل2014ء

متحدہ قومی موومنٹ کی رابطہ کمیٹی نے ڈیفنس کے علاقے میں مسلح ملزمان کی جانب سے سابق اولمپین ا صلاح الدین سے گاڑی ، موبائل، نقدی اوردیگرقیمتی اشیاء کی لوٹ مارکی شدید الفاظ میں مذمت کی ہے اور اسے پولیس وانتظامیہ کی نااہلی وناکامی قراردیاہے۔ ایک بیان میں رابطہ کمیٹی نے کہا کہ شہر قائد میں جاری ٹارگٹڈ آپریشن کے باوجود لوٹ مار، بینک ڈکیتیوں،اغواء ،قتل اور دیگر سنگین جرائم کی وارداتیں لمحہ فکریہ ہیں اوراس بات کاثبوت ہیں کہ پولیس وانتظامیہ اپنی ذمہ داریاں پوری نہیں کررہی۔ رابطہ کمیٹی نے ڈیفنس جیسے گنجان آباد علاقے میں دن ڈھاڑے قومی ہیرو اولمپئین اصلاح الدین سے لوٹ مارکاواقعہ انتظامیہ وپولیس کے منہ پرطمانچہ ہے جس نے ان کی کارکردگی کا پول کھل دیاہے۔رابطہ کمیٹی نے سابق اولمپین اصلاح الدین سے دلی ہمدردی کااظہارکرتے ہوئے مطالبہ کیا ہے کہ حکومت اصلاح الدین سے لوٹ مار میں ملوث عناصر کوفی الفور گرفتار کرکے سابق اولمپین کی قیمتی اشیاء کی بر آمدگی یقینی بنائے اور کراچی سمیت ملک کے ہر شہری کی جان و مال کی حفاظت کو یقینی بنائے۔