بین الاقوامی فلاحی تنظیم انٹرنیشنل کمیٹی ریڈکریسنٹ پاکستان کے سربراہ Reto Stockerکے ہمراہ وفدکی رابطہ کمیٹی سے ملاقات
کراچی: ۔۔۔2اپریل2014ء
بین الاقوامی فلاحی تنظیم انٹرنیشنل کمیٹی ریڈ کریسنٹ پاکستان کے سربراہ Reto Stocker نے نائب سربراہ Martin Deboer کے ہمراہ متحدہ قومی موومنٹ کی رابطہ کمیٹی کے ارکان سینیٹر نسرین جلیل، سید امین الحق اوراحمد سلیم صدیقی سے خورشید بیگم سیکریٹریٹ عزیز آباد میں ملاقات کی ۔ملاقات انتہائی خوشگوارماحول میں ہوئی جس میں پاکستان میں فلاحی سرگرمیوں سمیت باہمی دلچسپی کے دیگر امور پر تفصیلی تبادلہ خیال کیا گیا۔ اس موقع پررابطہ کمیٹی کے ارکان نے آئی سی آرسی کی جانب سے پوری دنیا بھرمیں کی جانیوالی عملی خدمات کو سراہا اور انہیں خراج تحسین پیش کیا اور انہیں بتایا کہ خدمت خلق فاؤنڈیشن پاکستان کا واحد فلاحی ادارہ جوہمہ وقت فلاحی سرگرمیوں میں کوشاں رہتا ہے اور زلزلے،سیلاب،طوفانی بارشوں اورخشک سالی جیسے قدرتی آفات کا شکارعوام اوردکھی انسانیت کی بے لوث خدمت کررہاہے۔آئی سی آرسی کے وفدنے ایم کیوایم کے فلاحی ادارے خدمت خلق فاؤنڈیشن کی فلاحی سرگرمیوں کی عملی خدمات کوسراہااوران کی تعریف کی۔اس موقع پر رابطہ کمیٹی کے ارکان نے وفدکوقائدتحریک جناب الطاف حسین کی پیکٹورئیل بائیوگرافی اوردیگر تصنف پیش کیں۔