پاکستان کے تمام غریب نسلی و لسانی، مذہبی اور فقہی اختلافات کو بالائے طاق رکھ کر فرسودہ جاگیردارانہ نظام سے نجات اور اپنی قسمت بدلنے کیلئے متحد ہوجائیں۔ الطاف حسین

لندن ۔۔۔ 8 مارچ 2014ء

متحدہ قومی موومنٹ کے قائد جناب الطاف حسین نے کہاہے کہ پاکستان کے تمام غریبوں کوتمام ترنسلی ولسانی ،مذہبی اورفقہی اختلافات کو بالائے طاق رکھ کرملک سے فرسودہ جاگیردارانہ نظام سے نجات حاصل کرنے اوراپنی قسمت بدلنے کیلئے متحدہوجاناچاہیے۔ انہوں نے یہ بات آج لاہورمیں پاکستان عام آدمی پارٹی کے چیئرمین ارسلان ملک سے فون پر گفتگوکرتے ہوئے کہی جنہوں نے کرپشن کے خلاف پنجاب اسمبلی کے باہربھوک ہڑتال کی ہوئی تھی۔ جناب الطاف حسین نے کہاکہ پاکستان میں دوفیصدمراعات یافتہ طبقہ نے 98فیصدغریب ومتوسط طبقہ کواپنے نظام کی زنجیروں میں جکڑاہواہے، یہ دوفیصدمراعات یافتہ طبقہ گزشتہ 67 برسوں سے چہرے بدل بدل کرملک کولوٹ رہاہے اورعوام کی حالت بدسے بدترہورہی ہے ۔ یہ سلسلہ اسی وقت رک سکتاہے جب غریب ومتوسط طبقہ سے تعلق رکھنے والے افرادہرقسم کی تفریق سے بالاترہوکرآپس میں متحدہوجائیں اور اپنی صفوں سے قیادتیں نکال کرایوانوں میں بھیجیں۔ انہوں نے عام آدمی پارٹی اوردیگرتمام چھوٹی چھوٹی تنظیموں اورگروپوں سے کہاکہ وہ اس مقصدکے حصول کے لئے بڑے قافلوں میں شریک ہوجائیں جوپہلے ہی اس مقصد کے لئے جدوجہدکررہے ہیں۔جناب الطاف حسین نے ارسلان ملک کو لاہورمیں ہونیوالی صوفیاء کانفرنس میں شرکت کی دعوت بھی دی۔