ایم کیوایم کے زیراہتمام 22 اگست کو ’’ یوم عزم ‘‘ کے طورپرمنایاجائے گا

لندن ۔۔۔ 18 اگست 2018ء

ایم کیوایم کے زیراہتمام 22 اگست کواس مرتبہ ’’ یوم عزم ‘‘ کے طورپرمنایاجائے گا۔ اس بات کافیصلہ ایم کیوایم انٹرنیشنل سیکریٹریٹ میں رابطہ کمیٹی کے اجلاس میں کیاگیا۔ اجلاس کی صدارت کنوینرڈاکٹرندیم احسان نے کی ۔ رابطہ کمیٹی کے فیصلے کے مطابق 22 اگست کو تمام اوورسیز یونٹوں کے زیراہتمام اجتماعات اور اجلاس منعقد کئے جائیں گے اوراس عزم کی تجدید کی جائے گی کہ تمام ترریاستی مظالم ،مصائب ومشکلات اوررکاوٹوں کے باوجود بانی وقائدجناب الطاف حسین کی قیادت میں تحریک کی جدوجہدجاری رکھی جائے گی اورجدوجہدکومنزل کی جانب آگے بڑھا یاجائے گا۔یوم عزم کے سلسلے کا مرکزی اجتماع لندن میں بروز بدھ 22 اگست کوایم کیوایم انٹرنیشنل سیکریٹریٹ میں ہوگا۔ واضح رہے کہ 22 اگست 2016ء کوایم کیوایم کے خلاف ریاستی آپریشن کوبدترین انداز میں مزید تیز کردیاگیاتھا،قائدتحریک جناب الطاف حسین کی رہائش گااورایم کیوایم کے مرکزنائن زیرواوردیگرمرکزی دفاترکوسیل کردیاگیاتھا، متعدد دفاتر کومسمارکردیاگیاتھا اور بڑے پیمانے پر گرفتاریوں اورگن پوائنٹ پر سیاسی وفاداریاں تبدیل کروانے کاسلسلہ شروع کردیا گیا تھاجو تاحال جاری ہے۔ 

*****