ایم کیوایم کینیڈا کی جانب سے کراچی کے ضمنی انتخابات میں ایم کیو ایم کی شاندار کامیابی پر قائد تحریک الطاف حسین اور تمام حق پرست عوام کو مبارکباد کا پیغام۔ آصف قاضی

کینیڈا ۔۔۔11اپر یل 2016ء

ایم کیو ایم کینیڈاکی جانب سے کراچی کے ضمنی انتخابات میں ایم کیو ایم کی شاندار کامیابی پرایم کیو ایم کینیڈاکے نگرانِ اعلیٰ ندیم احسان‘ سینٹرل آرگنائزر آصف قاضی ‘جوائنٹ سینٹرل آرگنائزر‘ سینٹرل آرگنائزنگ کمیٹی کے ممبران ‘یونٹ انچارجز‘ممبر یونٹ کمیٹیز کے ممبران نے قائد تحریک الطاف حسین اور تمام حق پرست عوام کو مبارکباد کا پیغام دیا ہے۔ اس شاندار فتح کے موقع پر سینٹرل آرگنائزر آصف قاضی نے کہا کہ یہ جیت پاکستان کے مظلوم و محکوم عوام کی جیت ہے۔ ایم کیو ایم نے اپنی روایات کو بر قرار رکھتے ہوئے تمام مخا لفین کی ضمانتیں ضبط کر وادیں اور ثابت کردیا کہ کراچی کی حق پرست عوام کل بھی قائد تحریک الطاف حسین کے ساتھ تھیں اور آج بھی ان کے دل قائد تحریک الطاف حسین کے ساتھ ہی دھڑکتے ہیں اور انشا اﷲ مرتے دم تک بھی یہ لوگ اپنے قائد کا ساتھ نہیں چھوڑیں گے۔ آخر میں قائد کے ان جاں نثاروں نے اپنے رہبر الطاف حسین کی درازی عمر اور صحت و تندرستی کے لئے دعا کی او ر حق وباطل کی اس جنگ میں شہید ہونے والے تمام ساتھیوں اور ہمدردوں کی مغفرت کے لئے بھی دعا کی گئی۔