سندھ اسمبلی کے حلقہ پی ایس 115کے ضمنی انتخاب کے سلسلے میں قائدتحریک الطا ف حسین کے نامزد امیدوارفیصل رفیق کی انتخابی مہم زوروشورسے جاری

کراچی ۔۔۔ 27؍ مارچ 2016ء

سندھ اسمبلی کے حلقہ پی ایس 115کے ضمنی انتخاب کے سلسلے میں قائدتحریک الطا ف حسین کی جانب سے نامزدحق پرست امیدوارفیصل رفیق کی انتخابی مہم زوروشورسے جاری ہے اوراس سلسلے میں ایم کیوایم کے زیراہتمام حلقہ پی ایس 115کے مختلف علاقوں میں گھرگھررابطہ کیاجارہاہے ،الیکشن آفسز کاافتتاح اورکارنرمیٹنگزمنعقد کی جاررہی ہیں، جس میں ایم کیوایم کی رابطہ کمیٹی ، سینٹرل ایگزیکٹوکونسل،منتخب حق پرست اراکین اسمبلی،ٹاؤن ویوسی چیئرمین ،وارڈکے نمائندے اورایم کیوایم کے ذمہ داران شرکت کرکے عوام سے رابطہ کررہے ہیں۔اس سلسلے میں گزشتہ روزلائنزایریاٹاون کی یوسی9،یوسی10،یوسی11کارنرمیٹنگزکاانعقادکیاگیاجس میں علاقے کے عوام ماؤں،بہنوں،بزرگوں،نوجوانوں اور طلبہ وطالبات نے بڑی تعدادمیں شرکت کی۔کارنرمیٹنگز میں نامزدحق پرست امیدوارفیصل رفیق،ارکان سندھ اسمبلی ندیم رازی،نشاط ضیاء،خالدافتخار،سینٹرل ایگزیکٹوکونسل کے ارکان معیدانور،جاویداحمد،علی شہباز،راشدحسین ،علاقائی چیئرمین،وائس چیئرمین،جنرل کونسلرز،لائنزایریاٹاؤن آرگنائرنگ کمیٹی ،ایلڈرزونگ اورشعبہ خواتین نے خصوصی طورپرشرکت کی اورعوام سے اظہارخیال کرتے ہوئے کہاکہ قائدتحریک الطاف حسین نے ہمیشہ عوام کی خدمت کادرس دیا، ایم کیوایم غریب ومتوسط کے عوام کی خدمت کاجذبہ لیکرکام کررہی ہے اوریہی وجہ ہے کہ ایم کیوایم نے ہمیشہ غریب ومتوسط طبقے کے پڑھے لکھے نوجوانوں کومنتخب کرواکراعلیٰ ایوانوں میں بھیجا۔انہوں نے کہاکہ ایم کیوایم جاگیردارانہ سوچ اورفرسودہ نظام کامکمل خاتمہ کرکے ملک میں حقیقی معنوں میں غریب ومتوسط طبقے کی حکمرانی قائم کرنی چاہتی ہے تاکہ ملک کوترقی کی راہ پرگامزن کیاجاسکے۔انہوں نے کہاکہ پڑھے لکھے غریب نوجوانوں کوملک کے ایوانوں میں بھیجنے کی پاداش میں ایم کیوایم اورالطاف حسین کونشانہ بنایاجارہاہے ان کے خلاف منفی اورجھوٹے پروپگنڈے کیے جارہے ہیں تاکہ انہیں عوام سے دورکیاجاسکے۔انہوں نے کارنرمیٹنگزکے شرکاء کومخاطب کرتے ہوئے کہاکہ وہ اپنے اردگردکے حالات پرنظررکھیں اورایم کیوایم کے خلاف ہونے والی سازشوں کوسمجھیں اورضمنی انتخاب میں قائدتحریک الطاف حسین کے نامزدکردہ حق پرست امیدواربرائے صوبائی اسمبلی فیصل رفیق کوبھاری اکثریت سے کامیاب کرواکرایم کیوایم کے خلاف سازشوں کوناکام بنادیں۔علاوہ ازیں ایم کیوایم شعبہ خواتین کے تحت یوسی7سوسائٹی ٹاؤن میں خواتین کی کارنرمنعقدکی گئی جس میں رکن رابطہ کمیٹی محترمہ ریحانہ نسرین ،سینٹرل ایگزیکٹوکونسل کے رکن شاہانہ اشعراورعلاقے کی خواتین نے بڑی تعدادمیں شرکت کی ۔ مزیدبراں فیصل رفیق،رکن صوبائی اسمبلی محمودعبدالرزاق،عامرمعین پیرزادہ،رکن سینٹرل ایگزیکٹوکونسل نے علاقائی چیئرمین وائس چیئرمین ،جنرل کونسلرز ،سوسائٹی ٹاؤن آرگنائزوکمیٹی کے ہمراہ سوسائٹی ٹاؤن یوسی8کے مولائی پارک میں الیکشن آفس کاافتتاح کیا۔اس موقع پرعوام کی بڑی تعدادموجودتھی ۔