حیدرآباد کی ماؤں بہنوں نے حق پرستی کی تحریک میں حق وفا نبھا دی ہے اور صف اول کے مجاہدوں کا کردار ادا کیا ہے۔ الطاف حسین

لندن۔۔24مارچ2016ء

متحدہ قومی موومنٹ کے قائد جناب الطاف حسین نے کہا ہے کہ حیدرآباد کی ماؤں بہنوں نے حق پرستی کی اس تحریک میں حق وفا نبھا دی ہے اور انہوں نے صف اول کے مجاہدوں کا کردار ادا کیا ہے۔ اللہ تعالیٰ کا شکر ہے کہ تمام تر آزمائشوں اور مشکلات کے باوجود حیدرآباد میں تحریک کے وفاداروں کی تعداد میں اضافہ ہورہا ہے۔ یہ بات انہوں نے زونل آفس حیدرآباد پر خواتین، بزرگوں اور مختلف شعبہ جات سے تعلق رکھنے والے ساتھیوں سے گفتگو کرتے ہوئے کہی۔ جناب الطاف حسین نے حیدرآباد میں تاریخی ریلی کے انعقاد پر ذمہ داران و کارکنان کو زبردست خراج تحسین پیش کیا۔ جناب الطاف حسین نے تاریخی ریلی میں شرکت کرنے پر حیدرآباد کے حق پرست عوام سے اظہار تشکر کرتے ہوئے کہا کہ جس بڑی تعدادمیں ماؤں ، بہنوں، بزرگوں، نوجوانوں اور بچوں نے آج کی ریلی میں شرکت کی ،ایسا لگ رہا تھا کہ پورا شہر سڑکوں پر امڈ آیا ہے۔ریلی کی تیاریوں اور اسے کامیاب بنانے پر جناب الطاف حسین نے اراکین رابطہ کمیٹی اور حق پرست منتخب نمائندوں سمیت یونٹ ، سیکٹر ، زون، اے پی ایم ایس او، شعبہ خواتین، ایلڈرونگ ، لیبر ڈویژن، اسپیچ کمیٹی،ویڈیو اور فوٹوگرافی سیکشن ،ویب ٹیم اور سوشل میڈیا سے تعلق رکھنے والے ذمہ داران و کارکنان کو زبردست شاباش اور خراج تحسین پیش کیا۔ اس موقع پر زونل آفس پر موجود ذمہ داران و کارکنان نے جنا ب الطاف حسین سے گفتگو کرتے ہوئے اپنے اس عزم کا اعادہ کیا کہ تمام آزمائشوں اور مشکلات کا ثابت قدمی کے ساتھ مقابلہ کریں گے اورکوئی بھی سازش انہیں قائد تحریک الطاف حسین سے دور نہیں کرسکتی۔





تصاویر