ایم کیوایم شعبہ خواتین کی سینئر کارکن محترمہ وقار النساء مرحومہ کو یاسین آباد کے قبرستان میں سپرد خاک کردیا گیا
نماز جنازہ اور تدفین میں رابطہ کمیٹی رکن عبد القادر خانزادہ، حق پرست رکن سندھ اسمبلی افتخار عالم، نائن زیرو، سیکٹر و یونٹ کے ذمہ داران و کارکنان کی شرکت
کراچی ۔۔۔15، دسمبر2015ء
متحدہ قومی موومنٹ شعبہ خواتین کی سینئر کارکن محترمہ وقارالنساء مرحومہ کو آج یاسین آباد کے قبرستان میں سپرد خاک کردیا گیا ۔ مرحومہ کی نماز جنازہ عزیز آباد نمبر 2میں واقع مسجد صفہ میں ادا کی گئی۔ نماز جنازہ اور تدفین میں ایم کیوایم کی رابطہ کمیٹی کے رکن ڈاکٹر عبد القادر خانزدہ ، حق پرست رکن سندھ اسمبلی افتخار عالم ، نائن زیرو کے مختلف شعبہ جات کے اراکین ، فیڈرل بی ایریا سیکٹر کمیٹی ویونٹس کے ذمہ داران ، کارکنان، ہمدردوں اور مرحومہ کے عزیز واقارب نے شرکت کی ۔
دریں اثناء محترمہ وقار النساء مرحومہ کا سوئم مورخہ16دسمبر 2015ء بروز بدھ مرحومہ کی رہائشگاہ واقع عزیز آباد نمبر 2میں ہوگا جس میں مرحومہ کی روح کے ایصا ل ثواب کیلئے قرآن خوانی و فاتحہ خوانی کی جائے گی ۔