متحدہ قومی موومنٹ شعبہ خواتین کی سینئرکارکن وقارالنساء طویل علالت کے بعدپیرکے روزرضائے الہٰی سے انتقال کرگئیں

کراچی:۔۔۔14؍دسمبر2015ء

متحدہ قومی موومنٹ شعبہ خواتین کی سینئرکارکن وقارالنساء طویل علالت کے بعدپیرکے روزرضائے الہٰی سے انتقال کرگئیں۔ وقارالنساء کی عمر55سال تھی اوروہ شوگرکے عارضے میں مبتلا ہونے کے باعث گزشتہ پندرہ روزسے کراچی کے مقامی اسپتال میں زیرعلالج تھی ،پیرکی شام وقارالنساء کی طبیعت اچانک خراب ہوگئی جہاں ڈاکٹرنے ان کی جان بچانے کی ہرممکن کوششوں کے باوجود جانبرنہ ہوسکی اور اپنے خالق حقیقی سے جاملی ۔وقارالنساء مرحومہ انتہائی خوش اخلاق اورملنسارخاتون تھی جن کے پسماندگان میں دوبھائی ایس ایم اقبال اور ایس ایم شجاع،ایک بہن نازالنساء اورشوہر ڈاکٹر محمدجاویدشامل ہیں۔وقارالنساء ایم کیوایم کے قائد جناب الطاف حسین سے والہانہ عقیدت ومحبت رکھتی تھی اوریہی وجہ ہے کہ 19جون1992کوایم کیوایم کے خلاف ہونیو الے ریاستی آپریشن کے دوران ایم کیوایم کے مرکزنائن زیروپرموجودرہی اور تمام ترمصائب ومشکلات کے باوجود تنظیمی خدمات انجام دیتی رہیں۔مرحومہ شعبہ نیوزسے بھی وابستہ رہیں اور نیوز سیکشن میں عرصہ درازتک تنظیمی کام انجام دیتی رہی۔علاوہ ازیں وقارالنساء مرحومہ کومنگل کے روزبعدنمازظہریٰسین آباد قبرستان میں سپردخاک کیاجائیگا۔مرحومہ کی نمازجنازہ بعد نماز ظہر صفہ مسجدعزیزآبادبلاک2میں اداکی گئی جائیگی۔

مزیدبراں ایم کیوایم کی رابطہ کمیٹی نے شعبہ خواتین کی سینئرکارکن وقارالنساء کے انتقال پرگہرے دکھ اورافسوس کااظہارکیاہے۔ایک بیان میں رابطہ کمیٹی نے مرحومہ کی تنظیمی خدمات پرانہیں زبردست خراج تحسین پیش کرتے ہوئے مرحومہ کے تمام سوگوارلواحقین سے دلی تعزیت ہمدردی کااظہارکیا۔رابطہ کمیٹی نے دعاکی کہ اللہ تعالیٰ وقارالنساء مرحومہ کوجنت الفردوس میں اعلیٰ مقام عطافرمائے اورسوگواران کویہ صدمہ برداشت کرنے کاحوصلہ دے۔(آمین)علاوہ ازیں ایم کیوایم شعبہ خواتین اورشعبہ اطلاعات نیوزسیکشن کے ارکان نے بھی وقارالنساء کے انتقال پردلی افسوس کااظہارکرتے ہوئے مرحومہ کی مغفرت ،ان کے درجات کی بلندی اورسوگواران کے صبرجمیل کے لئے دعاکی۔