بڑے بے مروت ہیں یہ پی پی والے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
’’محبت کی جھوٹی اداؤں پہ صاحب
جوانی لٹانے کی کوشش نہ کرنا‘‘
بڑے بے مروت ہیں یہ پی پی والے
انہیں منہ لگانے کی کوشش نہ کرنا
یہ پی پی تو ہے ایک کاغذ کی ناؤ
جدھر مال ہے اس طرف ہے بہاؤ
یہ ڈوبے گی اور ڈوبنے جارہی ہے
اسے تم بچانے کی کوشش نہ کرنا
میں پٹتا تو کہتے تھے پی پی کے وزرا
کہ رینجرز تو کررہی ہے یہ اچھا
جو اب وہ پٹے ہیں تو میں کہہ رہا ہوں
کہ رستے میں آنے کی کوشش نہ کرنا
ہنسی آتی ہے اپنی بربادیوں پر
کہ کس طرح ہم ان کے دھوکوں میں آئے
مگر آج یہ زخم کہتے ہیں اپنے
کہ اب دھوکہ کھانے کی کوشش نہ کرنا
بہت مرچکے ہیں تمہارے لئے ہم
اٹھائے تمہاری رفاقت میں ہر غم
خدا کی قسم جان دے دیں گے اپنی
ہمیں آزمانے کی کوشش نہ کرنا
مصطفےٰ ؔ عزیزآبادی
12دسمبر2015ء