حق پرست رکن سندھ اسمبلی وسیم قریشی اور نومنتخب بلدیاتی نمائندوں نے شاہ نوازبھٹوکالونی میں مدرسے کی چھت گرنے پرجائے وقوعہ کادورہ
کر اچی: ۔۔۔10؍دسمبر2015ء
حق پرست رکن سندھ اسمبلی وسیم قریشی اوریوسی ون شاہ نوازبھٹوکالونی سے نومنتخب بلدیاتی نمائندوں نے شاہ نوازبھٹوکالونی میں دینی مدرسے عمرِفاروق کی چھت گرنے پرگہری تشویش کااظہارکیااورجائے وقوعہ کادورہ کرکے مدرسے کے مہتم مولاناابراہیم سے ملاقات کی اورامدادی سرگرمیوں میں حصہ لیا۔تفصیلات کے مطابق حق پرست رکن سندھ اسمبلی وسیم قریشی اوریوسی1شاہ نوازبھٹوکالونی سے نومنتخب بلدیاتی نمائندے چیئرمین شاہدکلیم،وائس چیئرمین طیب حسین،جنرل کونسلرزاہد راجپورت اور دیگر کارکنان نے عمرِفاروق مدرسے میں چھت گرنے کے نتیجے میں زخمی ہونے والے معصوم بچوں کواپنی نگرانی میں ریسکیوکیااورایمبولینسوں کے ذریعے بچوں کواسپتال منتقل کیا۔ اس موقع پرمدرسے کے مہتم ابراہیم نے ایم کیوایم کے نمائندوں کوبتایاکہ حال ہی میں مدرسے کی نئی چھت ڈالی گئی ہے جس کے بعدچھت پربلاک رکھے جارہے تھے جن کاوزن چھت سہار نہ سکی اورگرگئی ۔انہوں نے بتایاکہ جس وقت چھت گری اس وقت بچے دینی تعلیم میں مشغول تھے تاہم اللہ کاشکرہے کہ بچے محفوظ رہے۔ایم کیوایم کے نمائندوں نے حادثے میں زخمی بچوں سے دلی ہمدردی کااظہارکرتے ہوئے ان کی صحت یابی کے لئے دعائیں کیں۔