سروری جماعت کے سربراہ اور پاکستان پیپلز پارٹی کے سینئر رہنما مخدوم امین فہیم کے انتقال پرایم کیوایم کے قائد جناب الطاف حسین کا اظہار افسوس
مخدوم امین فہیم کے انتقال سے ملک کی سیاست میں جو خلا پیدا ہوگیا ہے وہ برسا برس تک پر نہیں کیا جاسکتا،الطاف حسین
پوری قوم ایک انتہائی بر دبار ،شریف النفس ،ذہین اور سینئرسیاستدان سے محروم ہوگئی ہے
مرحوم ایک اچھے سیاستدان ہی نہیں بلکہ نیک ، شفیق اورہمدرد انسان بھی تھے
مرحوم نے قید وبند کی صعوبتیں برداشت کی اور ثابت قدم رہے،الطاف حسین
اللہ تعالیٰ مرحوم کو جنت الفردوس میں اعلیٰ مقام اور سوگوارلواحقین کو صبرجمیل عطا فرمائے ،الطاف حسین
لندن ۔۔21نومبر 2015ء
متحدہ قومی موومنٹ کے قائد جناب الطاف حسین نے سروری جماعت کے سربراہ اور پاکستان پیپلز پارٹی کے سینئر رہنما مخدوم امین فہیم کے انتقال پر گہرے دکھ اور افسوس کا اظہار کرتے ہوئے مرحوم کے سوگوار اہل خانہ سے دلی تعزیت وہمدردی کا اظہار کیا ہے ۔ جناب الطاف حسین نے کہا کہ مخدوم امین فہیم کی طویل علالت کے بعد انتقال سے پوری قوم ایک انتہائی بر دبار ،شریف النفس،ذہین اور سینئرسیاستدان سے محروم ہوگئی ہے، مرحوم ایک اچھے سیاستدان ہی نہیں بلکہ نیک ، شفیق اورہمدرد انسان بھی تھے انہوں نے قید وبند کی صعوبتیں برداشت کی اور ثابت قدم رہے۔ جناب الطاف حسین نے کہا کہ مرحوم کے انتقال سے اہل خانہ کے ساتھ ساتھ سروری جماعت کے لاکھوں مرید بھی ان کی شفقت سے محروم ہوگئے ہیں ۔ ان کے انتقال سے ملک کی سیاست میں جو خلا پیدا ہوگیا ہے وہ برسا برس تک پر نہیں کیا جاسکتا ۔ جناب الطاف حسین نے دعا کی کہ اللہ تعالیٰ مخدوم امین فہیم مرحوم کو جنت الفردوس میں اعلیٰ مقام عطا فرمائے اور سوگوارلواحقین کو صبرجمیل عطا فرمائے۔(آمین )