فیصل آبادمیں دنیانیوزکے بیوروآفس پردستی بم حملہ بزدلانہ فعل ہے،ایم کیو ایم رابطہ کمیٹی

کراچی ۔۔۔20، نومبر2015ء 

ایم کیوایم رابطہ کمیٹی کے ارکان نے فیصل آبادمیں دنیانیوزکے بیوروآفس پردستی بم حملے کی شدیدالفاظ میں مذمت کی ہے اوربم حملے کو بزدلانہ فعل قراردیتے ہوئے اس کے نتیجے میں دوملازمین کے زخمی پرگہری تشویش کااظہارکیاہے۔ایک بیان میں رابطہ کمیٹی کے ارکان نے کہاکہ دنیا نیوزکے بیوروآفس پردستی بم حملہ آزادی صحافت پرحملہ ہے اوردہشت گردعناصراس قسم کے اوچھے ہتھکنڈے استعمال کرکے میڈیاکی آوازکودبانہیں سکتے۔ انہوں نے دستی بم حملے میں زخمی ہونے والے دنیانیوزکے ملازمین سے دلی ہمدردی کااظہارکرتے ہوئے ان کی جلدومکمل صحت یابی کے لئے دعاکی ۔ ایم کیو ایمرابطہ کمیٹی کے ارکان نے وفاقی وزیرداخلہ چوہدری نثارعلی خان اوروزیراعلیٰ پنجاب میاں شہبازشریف سے مطالبہ کیاکہ دنیانیوزکے بیوروآفس پر دستی بم حملے کے واقعے کی غیرجانبدارانہ تحقیقات کروائی جائے اور حملے میں ملوث دہشت گردوں اوران کے سرپرستوں کودہشت گردی ایکٹ کے تحت سخت ترین سزادی جائے۔