حیدرآباد اور میر پور خاص سے نامزد حق پرست امیدواران کو بھاری اکثریت سے کامیابی پرمحبان پاکستان کی دلی مبارکباد
حق پرست امیدواران کی کامیابی ترقی و خوشحالی کی طرف ایک اور قدم ہے ،محبان پاکستان اوورسیز
نومنتخب بلدیاتی امیدواران جناب الطاف حسین کے فکرو فلسفہ اورنظریئے کے مطابق عوام کی بلاتفریق خدمت کریں ، محبان پاکستان کی تلقین
دبئی ۔۔۔20، نومبر2015ء
محبان پاکستان اوورسیز نے حیدرآباد اور میر پور خاص سے بلدیاتی الیکشن میں نامزد حق پرست امیدواران کو بھاری اکثریت سے کامیابی پر دل کی گہرائیوں سے دلی مبارکباد پیش کی ہے اور کہا ہے کہ حق پرست امیدواران کی کامیابی حیدرآباد اور میر پور خاص شہر کی ترقی و خوشحالی کی طرف ایک اور قدم ہے۔اپنے مشترکہ بیان میں انہوں نے کہاکہ ایم کیوایم کے خلاف جاری آپریشن ، چھاپے و گرفتاریوں ، ماوراے عدالت قتل اور کارکنان کو لاپتا کئے جانے کے جانے بے شمار واقعات کے باوجود حیدرآباد اور میر پور خاص کے عوام نے حق و سچ کا ساتھ نہیں چھوڑا اور نامزد حق پرست امیدواران کو بھاری اکثریت سے ووٹ دیکر کامیاب کرایا جس سے یہ بات ثابت ہوگئی ہے کہ ایم کیوایم عوام کی مقبول ترین جماعت ہے اور اس کے خلاف سازشیں کرنے والوں کو ایک مرتبہ پھر ناکامی کا سامنا کرنا پڑا ہے ۔ انہوں نے کہاکہ حیدرآباداور میر پور خاص کے عوام جناب الطاف حسین کے دیوانے ہیں اور یہ دیوانگی کا ثبوت انہوں نے بلدیاتی انتخابات میں حق پرست امیدواروں کو بھاری اکثریت سے ووٹ دیکردیدیاہے ۔محبان پاکستان اوورسیزنے حیدرآباد اور میر پور خاص سے کامیاب ہونے والے حق پرست امیدواران کو تلقین کی کہ وہ قائد تحریک جناب الطاف حسین کے فکر وفلسفہ اور نظریئے کے مطابق بلاتفریق عوامی خدمت کریں اور عوام کے مسائل کے حل کیلئے اپنی تمام تر صلاحتیں بروئے کار لائیں ۔