کراچی واٹراینڈ سیوریج بورڈ کے ریفرنڈم میں کامیابی جیت کا پہلا مرحلہ ہے بلدیاتی انتخابات میں بڑی کامیابیاں حاصل کریں گے،سینئر ڈپٹی کنونیرعامر خان

کراچی ۔۔۔17نومبر2015ء

کراچی واٹر اینڈ سیوریج بورڈ میں17سال بعد ہونیوالے ریفرنڈم میں متحدہ قومی موومنٹ کی یونین متحدہ ورکرز فرنٹ کی بھر پور اکثریت سے کامیابی کے بعد جناب الطاف حسین کی رہائشگاہ العمروف نائن زیروپرمتحدہ ورکرز فرنٹ کے ذمہ دارا ن اور کارکنان کی جانب سے عظیم الشان جشن منایاگیا۔ اس سلسلے میں واٹر بورڈ سے کارکنان نو منتخب عہدیداران کے ہمراہ بڑی ریلی کی شکل میں نائن زیروپرپہنچے جن کا ایم کیوا یم کی رابطہ کمیٹی کے سینئر ڈپٹی کنوینر عامر خان، اراکین رابطہ کمیٹی سید امین الحق، عادل خان ، محترمہ زریں مجید،لیبر ڈویژن کے انچارج اسد کاظمی و اراکین لیبر ڈویژن نے کارکنان کا استقبال کیا ۔جشن کے موقع پر کارکنان نے ایک دوسرے کو پھولوں کے ہار پہنائے اور مٹھیائیاں تقسیم کیں اور ڈھول کی تھاپ پر رقص والہانہ رقص کیا۔اس موقع عامر خان نے کارکنان سے گفتگو کرتے ہوئے کہاکہ واٹر بورڈ میں بھر پور کامیابی پر تمام مزدور مبارک باد کے مستحق ہیں ، کراچی میں گزشتہ تین سالوں سے جاری آپریشن کے دوران بلاجواز چھاپوں، گرفتاریوں ، ماورائے عدالت قتل سمیت نا انصافیوں کے باوجود ہم نے جناب الطاف حسین کے نظریے کو مشعل راہ بنا کر میدان عمل میں آنے کا فیصلہ کیا اور اللہ تعالیٰ نے شاندارکا میابی سے ہمکنا ر کیا۔انہوں نے کہاکہ واٹر بورڈ کے انتخابات میں کامیابی ہماری جیت کا پہلا مرحلہ ہے انشاء اللہ 19نومبر کو حیدرآباداور5دسمبر کو کراچی میں بڑی کامیابی حاصل کرکے جناب الطاف حسین اور عوام کو تحفہ دیں گے۔انہوں نے جناب الطاف حسین کی جانب سے واٹر بورڈ کے مزدوروں کو کامیابی پر دلی مبارک باد پیش کی۔لیبر ڈویژن کے انچارج اسد کاظمی نے شرکاء سے گفتگو کرتے ہوئے واٹر بورڈ کے تمام محنت کشوں بالخصوص اقلیتی برادری سے تعلق رکھنے والے محنت کشوں کا شکریہ اداکرتے ہوئے کہاکہ واٹر بورڈ کے ریفرنڈ م میں متحدہ ورکرز فرنٹ کی کامیابی تمام مزدوروں ، محروموں اور محنت کشوں کی کامیابی اور جناب الطاف حسین کے نظریے کے کامیابی ہے۔

واضح رہے کہ کراچی واٹر اینڈ سیوریج بورڈ 17سال بعد 17نومبر2015ء کو ریفرنڈم کا انعقاد کیا گیا تھا جس میں مختلف سیاسی جماعتوں کی حمایتی اور آزاد حیثیت میں 9یونینز نے حصہ لیا ۔ ریفرنڈم میں متحد ہ قومی موومنٹ کی یونین ’’ متحد ہ ورکرز فرنٹ ‘‘ نے کل7124ووٹ لیکر واضح کامیابی حاصل کی ۔





مزید تصاویر