ایم کیوایم رابطہ کمیٹی کا سپریم کورٹ کی جانب سے مون گارڈن کے مکینوں کے حق میں فیصلے کا خیرمقدم

کراچی ۔۔۔17، نومبر2015ء 

متحدہ قومی موومنٹ کی رابطہ کمیٹی نے سپریم کورٹ کی جانب سے مون گارڈن کے مکینوں کے حق میں فیصلے کا خیرمقدم کیا ہے اور مون گارڈن کے مکینوں کو دلی مبارکباد پیش کی ہے ۔ ایک بیان میں رابطہ کمیٹی نے کہاکہ مون گارڈن کے مکین ہائی کورٹ کے فیصلے کے باعث گزشتہ دنوں سے شدید ذہنی کرب اور اذیت کا نہ صرف شکار تھے بلکہ ایک عرصے سے انصاف کے متلاشی تھے اور سپریم کورٹ کا مون گارڈن ک مکینوں کے حق میں فیصلہ انتہائی خوش آئند ہے جس سے مکینوں نے سکھ کا سانس لیا ہے ۔ رابطہ کمیٹی نے مون گارڈن کے مکینوں کی خبر گیری کرنے اور اس معاملے کو اٹھانے پر حق پرست ارکان قومی وصوبائی اسمبلی اور ایم کیوایم لیگل ایڈ کمیٹی کو زبردست خراج تحسین بھی پیش کیا ۔ 

تصاویر