این جی او ’’ الف اعلان ‘‘ نے تعلیم کے فروغ بالخصوص سرکاری اسکولوں اوروہاں زیرتعلیم طلبہ کی فلاح وبہودکیلئے ایم کیوایم کے رکن قومی اسمبلی علی رضاعابدی کی کارکردگی کواے گریڈقراردیدیا

کراچی ۔۔۔ 11 نومبر2015ء

تعلیم کے فروغ کے لئے کام کرنے والی این جی او ’’ الف اعلان ‘‘ نے گزشتہ ڈھائی سال کے دوران اپنے علاقوں میں تعلیم کے فروغ بالخصوص سرکاری اسکولوں اوروہاں زیرتعلیم طلبہ کی فلاح وبہودکے لئے کام کرنیوالے ارکان قومی اسمبلی کو کارگردگی کے لحاظ سے پورے ملک سے جن تین ارکان قومی اسمبلی کو اے گریڈ دیاہے ان میں ایم کیوایم کے نوجوان رکن قومی اسمبلی علی رضاعابدی بھی شامل ہیں۔علی رضاعابدی جوپہلی مرتبہ قومی اسمبلی کے رکن منتخب ہوئے ہیں اوراپنے حلقہ ء انتخاب میں تعلیم کے فروغ اوراسکولوں اورطلبہ کی فلاح وبہبودپرخصوصی توجہ دے رہے ہیں۔اس سلسلے میں کارکردگی کے لحاظ ایم کیوایم کے پارلیمانی لیڈرڈاکٹرفاروق ستارکو’’ بی ‘‘ گریڈ دیاگیا۔دریں اثناء ایم کیوایم کے قائدجناب الطاف حسین نے علی رضاعابدی اورڈاکٹرفاروق ستارکوتعلیم کے فروغ پر خصوصی توجہ دینے اوربہترین کارکردگی کامظاہرہ کرنے پر زبردست خراج تحسین پیش کیا۔ انہوں نے دیگرارکان اسمبلی پربھی زوردیاکہ وہ تعلیم کے فروغ اورطلبہ کی بہبودپر خصوصی توجہ دیں۔