پارٹی پالیسی اور فیصلے کے خلاف عمل کرنے اور تنظیمی نظم وضبط کی سنگین خلاف ورزی کرنے پر ایم کیوایم میرپورخاص زون کے آٹھ سابق ذمہ داروں اور کارکنوں کو تحریک سے خارج کردیا گیا
ایم کیوایم کا میرپورخاص سٹی کے رئیس احمدخان، خلیق احمد خان، شفیق احمدخان اوربلدیاتی امیدواروں محمدیوسف، اسلم قریشی اور التجا خان سے اظہار لاتعلقی
کراچی ۔۔۔ 8 نومبر2015ء
ایم کیوایم کی رابطہ کمیٹی نے بلدیاتی انتخابات میں تحریک کی پالیسی اورفیصلے کے خلاف عمل کرنے اور تنظیمی نظم وضبط کی سنگین خلاف ورزی کرنے پر ایم کیوایم میرپورخاص زون کے آ ٹھ سابق ذمہ داروں اور کارکنوں کوتحریک سے خارج کردیاہے ۔ایم کیوایم سے خارج کئے جانے والوں میں میرپورخاص کے سیکٹرسی کے سابق انچارج خالدراشدولدفقیرمحمد،سیکٹربی، یونٹ/A 4 کے سابق یونٹ انچارج محمداکبرولدمحمداسماعیل، یونٹA 4 کی یونٹ کمیٹی کے رکن محمد ارشد ولد محمد اسماعیل، سیکٹربی یونٹ 3/A کے کارکن احسان الحق ولدرحیم بخش،سیکٹر A یونٹ 2/B کے کارکن محمداکرم عرف کامران ولد اسلام مجاہد،سیکٹرB، یونٹ 3/A کے الیکشن سیل ممبرمظہرعلی ولدمظفرعلی،سیکٹرB، یونٹ3/A کے کارکن منظر علی ولد مظفرعلی اور سیکٹرC یونٹ 5/A،یوسی 5کے سابق یوسی ناظم محمود اقبال ولد کریم بخش شامل ہیں۔ رابطہ کمیٹی نے اپنے بیان میں میرپورخاص کے رئیس احمدخان، خلیق احمد خان، شفیق احمدخان، وارڈنمبر6 ،وارڈنمبر7کے امیدوار محمدیوسف ولد عبدالحمید، امیدواربرائے وارڈنمبر5 اسلم قریشی ولد یاسین قریشی اورامیدواربرائے وارڈنمبر9 التجاخان ولدمحمدرضاخان سے لاتعلقی کا اعلان کیا ہے ۔