ایم کیوایم کے قائد جناب الطاف حسین کی ہدایت پر سینٹرل پنجاب کے وفد کا لاہور میں متاثرہ فیکٹری کا دورہ

لاہور:۔۔۔۔4؍نومبر2015ء

لاہورمیں فیکٹری کی چھت گرنے کے افسوسناک واقعے کے بعدایم کیوایم کے قائدجناب الطا ف حسین کی ہدایت پرایم کیوایم سینٹرل پنجاب کے ذمہ داران پرمشتمل وفدنے جائے حادثہ کادورہ کیااورموقع پر موجود افرادسے ملاقات کرکے حادثے کی تفصیلات معلوم کیں۔اس موقع پر وفد کے ارکان نے ریسکیومیں حصہ لیتے ہوئے امدادی سرگرمیوں میں مصروف اہلکاروں سے بھی ملاقات کی اوراپنی نگرانی میں خدمت خلق فاؤنڈیشن کی ایمبولینسوں کے ذریعے زخمیوں کواسپتال پہنچایا۔ایم کیوایم کے وفدمیں سینٹرل پنجاب کے ارکان میاں راشدعلی،جان محمد رمضان ،ٹاؤن کمیٹیوں کے ذمہ داران ،کارکنان اورخدمت خلق فاؤنڈیشن کے رضاکارشامل تھے۔ واضح رہے کہ ایم کیوایم کے فلاحی ادارے خدمت خلق فاؤنڈیشن کے رضاکاراور ایمبولینس سروس فیکٹری حادثے کے بعدسے امدادی سرگرمیوں میں مصروف عمل ہیں۔