اسلامی جمعیت طلبہ کی جانب سے جامعہ کراچی میں طالبات کا الگ کیمپس بنانے کا مطالبہ قابل مذمت ہے، اے پی ایم ایس او
جامعہ کراچی میں 60% طالبات ہیں حکومت غنڈہ عناصر سے طالبات کی حفاظت کیلئے عملی اقدامات کرے، اے پی ایم ایس او
کراچی ۔۔۔ 03؍نومبر 2015ء
اے پی ایم ایس او کے چیئرمین و اراکین مرکزی کابینہ نے اپنے ایک بیان میں کہا ہے کہ اسلامی جمعیت طلبہ کی جانب سے جامعہ کراچی میں طالبات کیلئے الگ کیمپس بنانے کامطالبہ قابل مذمت ہے ،جامعہ کراچی میں اسلام کے نام نہاد ٹھیکیداروں کی جانب سے گزشتہ دنوں طالبات کو کرکٹ کھیلنے پر تشدد کا نشانہ بنایا گیا جس پر اے پی ایم ایس او کی مذمت اور احتجاج کے بعد جمعیت نے ایسے اقدامات کو روکنے کے بجائے طالبات کے لئے ایک بار پھرالگ کیمپس بنانے کا مطالبہ پیش کر کے اپنی انتہاپسندانہ سوچ کی عکاسی کی ہے۔اے پی ایم ایس او وزیر اعظم پاکستان، وزیر اعلی سندھ،وائس چانسلر جامعہ کراچی سے مطالبہ کرتی ہے کہ طالبات کی حفاظت کے لئے فوری اقدامات اٹھائے جائیں اور ان عناصر کی سرکوبی کے لئے انکے خلاف سخت کاروائی کی جائے۔