سندھ حکومت ہندو ملازمین کیلئے ایک ماہ کی تنخواہ ایڈوانس فراہم کرنے اور دیوالی کے رو ز عام تعطیل کا اعلان کرے ، انچارج ایم کیوا یم اقلیتی امور کمیٹی

کراچی ۔۔۔یکم ؍ نومبر 2015ء

متحدہ قومی موومنٹ کے شعبہ اقلیتی امور کمیٹی کے انچارج و سابق حق پرست رکن قومی اسمبلی منوہر لعل واسوانی نے وزیر اعلیٰ سندھ سید قائم علی شاہ سے مطالبہ کیا ہے کہ وہ 11نومبر کو ہندو برادی کے بڑے مذہبی تہوا ر دیوالی کے موقع پر سندھ حکومت کے ہندو ملازمین کو ایک مہینے کی تنخواہ ایڈوانس میں فراہم کروائیں اور دیوالی کے دن صوبے میں بسنے والے ہندو ہم وطنوں کیلئے عام تعطیل کا بھی اعلان کریں ۔منوہر لعل نے اپنے بیان میں ہندو برادری کو جناب الطاف حسین کی جانب سے دیوالی کی مبارک باد بھی پیش کی اور ان سے اپیل کی کہ وہ اپنی مذہبی دعاؤں میں ملک کی سلامتی اور خوشحالی کیلئے خصوصی دعائیں کریں ۔