ایم کیوایم لیبر ڈویژن کے نو منتخب انچارج اسد کاظمی اور اراکین کی پاپوش نگر اور عزیز آباد شہداء قبرستان سمیت یادگار شہدائے حق پرحاضری
جناب الطاف حسین کے والد محترم نذیر حسین ، والدہ محترمہ خورشید بیگم ، بھائی ناصر حسین شہید ، بھتیجے عارف حسین شہید سمیت تمام حق پرست شہداء کی قبروں پر پھول کی چادرچڑھائی اور فاتحہ خوانی کی
لیبر ڈویژن کے انچارج و اراکین نے یادگار شہدائے حق پرست جاکر شہداء کو سیلوٹ پیش کیا اور بلند درجات کیلئے دعا کی
کراچی ۔۔۔یکم، نومبر2015ء
متحدہ قومی موومنٹ لیبر ڈویژن کی تنظیم نو کے بعد نومنتخب انچارج لیبر ڈویژن اسد کاظمی اور اراکین نے گزشتہ روز پاپوش نگر اور شہداء قبرستان عزیز آبادمیں حاضری دی اور قائد تحریک جناب الطاف حسین کے والد محترم نذیر حسین مرحوم ، والدہ محترمہ خورشید بیگم ، بھائی ناصر حسین شہید ، بھتیجے عارف حسین شہید سمیت تمام حق پرست شہداء کی قبروں پر پھول کی چادرچڑھائی اور فاتحہ خوانی کی ۔ بعدازاں لیبر ڈویژن کے انچارج اسد کاظمی اور اراکین نے جناح گراؤنڈ عزیز آباد میں ایم کیوایم کے شہداء کی یاد میں تعمیر کی گئی یادگار شہدائے حق جاکر حق پرست شہداء کو سیلوٹ پیش کیا اور شہداء کے بلند درجات کیلئے دعا کی۔