اے این پی کے رہنماء افضل خان لالہ کے انتقال پر ایم کیوایم کے قائد الطاف حسین کا اظہار افسوس

لندن ۔۔۔یکم ؍ نومبر 2015ء

ایم کیو ایم کے قائد الطاف حسین نے عوامی نیشنل پارٹی کے رہنما افضل خان لالہ کے انتقال پر انتہائی دلی رنج و غم کا اظہار کیا ہے اور مرحوم کے سوگوار لواحقین ، دوست احباب اور ہمدردوں سے دلی تعزیت کی ہے۔ ایک تعزیتی بیان میں جناب الطاف حسین نے کہا کہ افضل خان لالہ فقیر منش ، درویش صفت اور ایک انتہائی نڈر اور بہادر شخص تھے ۔ انہوں نے اپنی پوری زندگی مذہبی انتہا پسندوں اور اسلام کا نام استعمال کر کے بموں کے دھماکے کرنے والوں ، خود کش دھماکے کرنے والوں اور دہشت گردی کے واقعات کرنے والو ں کے خلاف نہ صرف صدائے احتجاج بلند کیا بلکہ اپنے آخری وقت تک چٹان کی مانندکھڑے ہوکر دہشت گردی کے خلاف عملی طور پر جدو جہد کی ۔انہوں نے کہا کہ افضل خان لالہ کی موت جمہوریت پسند، لبرل اور روشن خیال طبقے کے لئے ایک نہ قابل تلافی نقصان ہے اور ملک میں ان کا خلا ء پر کرنا مشکل نظر آتا ہے ۔ جناب الطاف حسین نے دعا کی کہ اللہ تعالی افضل خان لالہ کی مغفرت فرمائے ، انہیں جنت الفردوس میں جگہ عطا فرمائے اور ان کے سوگوارلواحقین، دوست واحباب کو یہ صدمہ برداشت کرنے کا حوصلہ عطاء کرے (آمین ، ثمہ آمین)۔