پی بی اے کے بورڈآف ڈائریکٹرزکے سالانہ انتخابات میں کامیابی حاصل کرنے والے نومنتخب عہدیداران کوایم کیوایم کے قائدالطا ف حسین کی مبارکباد
پی بی اے کے تمام نومنتخب عہدیداران آزادی رائے کے لئے اپناکرداراداکرینگے،الطاف حسین
ایم کیوایم شروع دن سے آزادی رائے پریقین رکھتی ہے اورچاہتی ہے کہ معاشرے کی ترقی اورملک سے کرپشن کے خاتمے کے لئے آزادمیڈیافعال کرداراداکرے،الطا ف حسین
کراچی ۔۔۔31، اکتوبر2015ء
متحدہ قومی موومنٹ کے قائدجناب الطاف حسین نے پاکستان براڈکاسٹرزایسوسی ایشن (پی بی اے)کے بورڈآف ڈائریکٹرزکے سالانہ انتخابات 2015 -16 کے لئے جیوٹی وی کے میرابراہیم رحمان کوچیئرمین،دنیاٹی وی کے میاں عامرمحمود سینئر وائس چیئرمین ،آج ٹی وی کے ارشدزبیری کووائس چیئرمین ، ڈان ٹی وی کے شکیل مسعودکوسیکرٹری جنرل،کے ٹی این ٹی وی کے محمداسلم قاضی کوجوائنٹ سیکریٹری اورہم ٹی وی کے دریدقریشی کوسیکریٹری مالیات منتخب ہونے پر دل کی گہرائیوں سے مبارکبادپیش کی ہے اورامیدظاہرکی ہے کہ پی بی اے کے تمام نومنتخب عہدیداران آزادی رائے کے لئے اپناکرداراداکرینگے۔ جناب الطاف حسین نے کہاکہ ایم کیوایم شروع دن سے آزادی رائے پریقین رکھتی ہے اورچاہتی ہے کہ معاشرے کی ترقی اورملک سے کرپشن کے خاتمے کے لئے آزادمیڈیافعال کرداراداکرے۔انہوں نے اپنی اوراپنی جماعت ایم کیوایم کی جانب سے پی بی اے کے تمام نومنتخب عہدیداران کومکمل تعاون کایقین دہانی کرائی۔