بین الاقوامی شہرت یافتہ آئینی وقانونی ماہر بیرسٹر فروغ نسیم نے شکایات ازالہ کمیٹی سے استعفیٰ دیدیا
لندن۔۔۔30، اکتوبر2015ء
متحدہ قومی موومنٹ کے قائد جناب الطاف حسین سے آج بین الاقوامی شہرت کے حامل آئینی وقانونی ماہر بیرسٹر ڈاکٹر فروغ نسیم نے طویل ملاقات کی ۔ ملاقات میں دیگر ملکی وبین الاقوامی اہم امور کے علاوہ حکومت کی تشکیل کردہ شکایات ازالہ کمیٹی (Grievances Redressal Committee) پر بھی تبادلہ خیال کیا گیا۔ ملاقات کے بعد قائد تحریک جناب الطاف حسین نے بیرسٹر ڈاکٹر فروغ نسیم کو شکایات ازالہ کمیٹی سے استعفیٰ دینے کی اجازت دیدی جس کی روشنی میں بیرسٹر فروغ نسیم نے حکومت کو اپنا استعفیٰ بھیج دیا۔ جناب الطاف حسین نے ڈاکٹر فروغ نسیم کو اس جراتمندانہ مؤقف پر زبردست شاباش بھی پیش کی ۔ دریں اثناء ایم کیوایم کی رابطہ کمیٹی نے بھی بیرسٹر ڈاکٹر فروغ نسیم کی جانب سے شکایات ازالہ کمیٹی سے استعفیٰ دیئے جانے کے اقدام کو انتہائی مثبت ، جراتمندانہ اور غیرجانبدارانہ قراردیتے ہوئے انہیں زبردست خراج تحسین پیش کیا۔