عمران خان اورریحام خان کی طلاق ان کانجی معاملہ ہے ،اس معاملے پر کسی بھی قسم کی بیان بازی سے گریزکیاجائے

لندن ۔۔۔ 30 اکتوبر 2015ء

متحدہ قومی موومنٹ کی رابطہ کمیٹی کے کنوینر ندیم نصرت نے اپنے ایک بیان میں کہاہے کہ قائدتحریک الطاف حسین نے ایم کیوایم کے تمام رہنماؤں، ارکان پارلیمنٹ اورتنظیمی عہدیداروں کوہدایت کی ہے کہ تحریک انصاف کے سربراہ عمران خان اورریحام خان کی طلاق ان کانجی معاملہ ہے لہٰذا اس معاملے پر کسی بھی قسم کی بیان بازی سے گریزکیاجائے۔ ندیم نصرت نے کہاکہ ہمیں سیاست میں گالم گلوچ ،کسی کی ذات پر کیچڑ اچھالنے اورنجی زندگی کے معاملات کو اچھالنے کے عمل سے گریزکرناچاہیے اورتہذیب وشائستگی اور نظریات کی سیاست کرناچاہیے۔