معروف شاعر اور پریس کلب کراچی کے صدر فاضل جمیلی کے والد کے انتقال پر جناب الطاف حسین کااظہار تعزیت
لندن۔۔۔29، اکتوبر2015ء
متحدہ قومی موومنٹ کے قائد جناب الطاف حسین نے معروف شاعر اور پریس کلب کراچی کے صدر فاضل جمیلی کے والد محمد فرمان کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں جناب الطاف حسین نے مرحوم کے سوگوار لواحقین سے دلی تعزیت وہمدردی کااظہا رکرتے ہوئے کہاکہ مجھ سمیت ایم کیوایم کا ایک ایک کارکن آپ کے غم میں برابر کا شریک ہے ۔ انہوں نے دعا کی کہ مرحوم کو جنت الفردوس میں اعلیٰ مقام عطا فرمائے اور فاضل جمیلی سمیت مرحوم کے تمام سوگوار لواحقین کو یہ صدمہ برداشت کرنے کا حوصلہ عطاکرے۔ (آمین)