Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

دکھی انسانیت کی خدمت سب سے بڑی عبادت ہے، الطاف حسین


دکھی انسانیت کی خدمت سب سے بڑی عبادت ہے، الطاف حسین
 Posted on: 10/28/2015
دکھی انسانیت کی خدمت سب سے بڑی عبادت ہے، الطاف حسین
خدمت خلق فاؤنڈیشن کے رضاکار اپنا گھربا چھوڑ کر زلزلہ متاثرین کی خدمت عبادت سمجھ کر ادا کررہے ہیں، الطاف حسین
ہمیں نہ تو زکوٰۃ فطرہ جمع کرنے دیا گیا اور نہ قربانی کے جانوروں کی کھالیں جمع کرنے دی گئی لیکن ہم دکھی انسانیت کی خدمت کے جذبے کے تحت آج بھی زلزلہ سے متاثرہ خاندانوں کی خدمت بھی کررہے ہیں ،الطاف حسین
متاثرین زلزلہ کی مدد کیلئے قائم مرکزی امدادی کیمپ میں خدمت خلق فاؤنڈیشن کے رضاکاروں سے ٹیلی فون پر گفتگو

متحدہ قومی موومنٹ کے قائد جناب الطاف حسین نے کہاہے کہ دکھی انسانیت کی خدمت سب سے بڑی عبادت ہے اور خدمت خلق فاؤنڈیشن کے رضاکار اپنا گھربار اور ذاتی مصروفیات چھوڑ کر زلزلہ متاثرین کی خدمت عبادت سمجھ کر ادا کررہے ہیں۔ یہ بات انہوں نے بدھ کی شام زلزلہ سے متاثرہ افراد کی مدد کیلئے قائم خدمت خلق فاؤنڈیشن کے مرکزی امدادی کیمپ میں ایم کیوایم کے زمہ داران اور خدمت خلق فاؤنڈیشن کے رضاکاروں سے ٹیلی فون پر گفتگو کرتے ہوئے کہی۔ اس موقع پر کے کے ایف کے رضاکاروں نے جناب الطاف حسین نے کو ملک کے مختلف شہروں میں زلزلہ سے متاثرہ خاندانوں کیلئے جمع کی گئی امدادی اشیاء کی پیکنگ اور ترسیل کی تفصیلات سے آگاہ کیا۔ جناب الطاف حسین نے رضاکاروں سے گفتگو کرتے ہوئے کہاکہ آپ لوگ جس طرح اپنے قائد کی اپیل پر اپنا گھربار اور ذاتی مصروفیات چھوڑ کر خلوص دل کے ساتھ مشکلات کا شکار زلزلہ متاثرین کی مدد کیلئے محنت کررہے ہیں اس پر کے کے ایف کا ایک ایک رضاکار زبردست خراج تحسین کا مستحق ہے ۔ آپ جن لوگوں کوجانتے تک نہیں صرف اس بنیاد پر کہ زلزلہ سے متاثرہ خاندانوں کو مدد کی ضرورت ہے لہٰذا ان کی بھرپورمدد کی جائے ، اس انسانی جذبے کے تحت آپ کام کررہے ہیں اللہ تعالیٰ آپ کی کاوش کو قبول فرمائے اور ایم کیوایم کے فلاحی ادارے کو دکھی انسانیت کی زیادہ سے زیادہ خدمت کرنے کی توفیق عطافرمائے ۔ جناب الطاف حسین نے کہاکہ ایسے وقت میں جبکہ ایم کیوایم کے کارکنان اور خدمت خلق فاؤنڈیشن کے رضاکاروں کا گھر سے نکلنا ممکن نہ ہو ایسے خوف کی کیفیت میں دوسروں کی مددکیلئے کام کرنا بہت بڑی بات ہے ۔ آپ لوگوں نے ہمیشہ ہرکڑے اور مشکل لمحات میں انسانیت کی خدمت کی ہے ، قدرتی آفات ہو ں کوئی حادثات ہوں جہاں متاثرین کو طبی امداد کی ضرورت پیش آئی آپ نے انہیں طبی امدادفراہم کی اورجہاں غذائی اجناس ، کپڑوں ، لحاف ، گدے یاچادروں کی ضرورت پیش آئی آپ نے انہیں یہ امدادی اشیاء فراہم کیں ۔ انہوں نے کہاکہ اس سال ہمیں نہ تو زکوٰۃ فطرہ جمع کرنے دیا گیا اور نہ قربانی کے جانوروں کی کھالیں جمع کرنے دی گئی لیکن اللہ کاکرم ہے کہ ایم کیوایم کا فلاحی ادارہ خدمت خلق فاؤنڈیشن آج بھی کھلا ہوا ہے اور ہم دکھی انسانیت کی خدمت کے جذبے کے تحت زلزلہ سے متاثرہ خاندانوں کی خدمت بھی کررہے ہیں ،یہ ہم پر اللہ تعالیٰ کا خصوصی فضل وکرم ہے ۔ انہوں نے کہاکہ کاش ایم کیوایم کے کارکنان اور کے کے ایف کے رضاکاروں کے اس انسانی جذبہ کو میڈیا کے ذریعہ ملک بھرکے عوام بھی دیکھتے توانہیں معلوم ہوتا کہ ہم مسائل ومشکلات کے باوجود کس طرح انسانیت کی خدمت میں مصروف ہیں لیکن کوئی دیکھے یا نہ دیکھے اللہ تعالیٰ ہماری نیتوں اور ہمارے نیک جذبوں کو دیکھ رہا ہے ۔ جناب الطا ف حسین نے دکھی انسانیت کی بھرپورخدمت پر خدمت خلق فاؤنڈیشن کے رضاکاروں بشمول میت بس اور ایمبولینس ڈرائیورز اور سردخانوں کے عملے کے ارکان کو دل کی گہرائیوں سے زبردست خراج تحسین پیش کیا۔ 

*****
8/14/2026 12:09:48 PM