بلدیاتی انتخابات سکھرایم کیوایم کے تحت سکھرکے غزنوی پارک میں29اکتوبربروزجمعرات کوانتخابی جلسہ عام کاانعقادکیا جائیگا
جلسہ عام میں سکھرسے نامزدحق پرست امیدواروں کاعوام سے تعارف کروایاجائیگا
انتخابی جلسہ عام سے ایم کیوایم کے قائدجناب الطا ف حسین ٹیلی فونک خطاب کرینگے
سکھرکے غزنوی پارک میں ایم کیوایم کے جلسہ عام اورجناب الطا ف حسین کے خطاب کے سلسلے میں عوام میں جوش وخروش
رابطہ کمیٹی کے ارکان،حق پرست نمائندے اورایم کیوایم کے ذمہ داران اپنی نگرانی جلسہ کی تیاریوں کوحتمی شکل دے رہے ہیں
سکھر۔۔۔۔28اکتوبر2015ء
سکھرمیں بلدیاتی انتخابات کے سلسلے میں متحدہ قومی موومنٹ کے زیراہتمام سکھرکے میانی روڈسے منسلک غزنوی پارک میں مورخہ29؍اکتوبر2015ء بروزجمعرات شام5بجے انتخابی جلسہ عام کاانعقادکیا جائیگا جس میں سکھرسے نامزدحق پرست امیدواروں کاعوام سے تعارف کروایاجائیگا۔جلسہ عام سے ایم کیوایم کے قائدجناب الطاف حسین ٹیلی فونک خطاب کرینگے ۔سکھر کے غزنوی پارک میں ایم کیوایم کے انتخابی جلسہ عام کے سلسلے میں سکھرکے عوام میں زبردست جوش وخروش پایاجارہاہے جبکہ ایم کیوایم کی جانب سے جلسے کے سلسلے میں تیاریوں کوحتمی شکل دی جارہی ہے اس سلسلے میں ایم کیوایم کی رابطہ کمیٹی کے ارکان،حق پرست نمائندے اورایم کیوایم ذمہ داران وکارکنان غزنوی پارک میں اپنی نگرانی میں تیاریاں مکمل کروارہے ہیں۔