حیدرآباد میرا شہر ہے، میرا ناز ہے، میرا پیار ہے، میری چاہت ہے، الطاف حسین

حیدرآباد۔۔۔27 اکتوبر2015ء

متحدہ قومی موومنٹ کے قائدجناب الطاف حسین نے منگل کے روز پکا قلعہ حیدرآبادمیں ایم کیوایم کے ذمہ داروں اور کارکنوں کے اجلاس سے وڈیو لنک کے ذریعہ خطاب کرتے ہوئے حیدرآبادشہرسے اپنی محبت کا اظہار کرتے ہوئے کہا کہ حیدرآبادمیراشہرہے، میراناز ہے ، میراپیار ہے، میری چاہت ہے، میرا دل ہے ، میری دھڑکن ہے۔ انہوں نے دعاکرتے ہوئے کہا کہ اے اللہ ! حیدرآبادشہرکومیرا شہربنائے رکھیو۔ اس بات پر پکاقلعہ گراؤنڈمیں موجود کارکنوں نے کافی دیرتک زوردارتالیاں بجاکراورپرجوش نعرے لگاکرجناب الطاف حسین سے اپنی محبت کااظہارکیا۔ جناب الطاف حسین نے کہاکہ میں جب پاکستان میں تھاتوحیدرآبادکے دورے کرتاتھا، حیدرآبادکی گلیاں اورعلاقے آج بھی میری نظروں میں ہیں۔