پاکستان میں انسانی حقوق کی خلاف ورزیوں کے خلاف ایم کیوایم یوکے کی جانب سے کل بروز پیر لندن میں ایمنسٹی انٹرنیشنل کے ہیڈ آفس کے سامنے احتجاجی مظاہرہ کیا جائے گا

لندن۔۔۔24اکتوبر 2015ء

پاکستان میں ایم کیو ایم کے کارکنوں کے ماورائے عدالت قتل، چھاپوں، گرفتاریوں،غیرقانونی طورپرلاپتہ کرنے اورسرکاری حراست میں تشدد، ایم کیوایم کی سیاسی سرگرمیوں پرغیراعلانیہ پابندی ،قائد تحریک جناب الطاف حسین کے غیر قانونی میڈیا بلیک آؤٹ اوردیگرمظالم کے خلاف کل بروز پیرمورخہ 26 اکتوبر 2015ء بوقت دوپہر2 بجے لندن میں ایم کیو ایم برطا نیہ کے زیر اہتمام ایمنسٹی انٹرنیشنل کے دفتر کے سامنے احتجاجی مظاہرہ کیا جائے گا۔ ایم کیو ایم برطانیہ کی آرگنائزنگ کمیٹی نے تمام کارکنوں ا ور پاکستانی کمیونٹی سے اپیل کی ہے کہ وہ اس احتجاجی مظاہرے میں بھر پور انداز میں شرکت کریں اورریاستی مظالم کے خلاف اپنا احتجاج ریکارڈ کرائیں۔ آرگنائزنگ کمیٹی نے اپنے اس عزم کا اعادہ کیا کہ وہ قانون نافذ کرنے والے اداروں کی جانب سے مہاجروں کے خلاف متعصبانہ کاروائیوں اور انسانی حقوق کی سنگین خلاف ورزیوں کے خلاف دنیا کے ہر فورم پر آواز اٹھائیں گے۔