ایم کیوا یم رابطہ کمیٹی کے اراکین کی کراچی میں نشتر پارک سے برآمد ہونیوالے مرکزی ماتمی جلوس میں شرکت

کراچی ۔۔۔25، نومبر2012ء 

یوم عاشور کے موقع پر کراچی نشتر پارک سے برآمد ہونے والے مرکزی ماتمی اور عزاداران حسینؓ کے جلوس میں ایم کیوایم کی رابطہ کمیٹی کے اراکین سید امین الحق، عارف خان ایڈوکیٹ، کنور نوید جمیل ، ارشد حسن ، کمال ملک ، گلفرازخان خٹک ، عبدالقادر خانزادہ ،اقبال مقدم ، عادل خان ، ایم کیو ایم سینٹرل ایگزیکٹو کونسل کے انچارج وسیم اختر واراکین ، حق پرست ارکان اسمبلی ، ایم کیو ایم علماء کمیٹی و دیگر ذمہ اران نے شرکت کی۔جناب الطاف حسین کی خصوصی ہدایت پر جلوس کی گزرگاہوں پر ایم کیوایم کے فلاحی ادارے خدمت خلق فاؤنڈیشن کی جانب سے طبی کیمپس قائم کئے گئے تھے جبکہ مختلف علاقائی سیکٹروں کی جانب سے سبیلیں لگائی گئیں اور لنگر کا بھی اہتمام کیا گیا تھا۔ ایم کیوایم کے رہنماؤں نے جلوس میں شریک علمائے کرام،جلوس کی انتظامیہ کے عہدیداران، ماتمی انجمنوں کے عہدیداران اور عزاداران حسینؓ سے ملاقاتیں کی ۔ اس موقع پر رابطہ کمیٹی نے جلوس کی گزر گا ہ پر خدمت خلق فاؤنڈیشن کے میڈیکل کیمپس، ایمبولینس سروس،عزاداران کو فوری طبی سہولت پہنچانے اور دیگر انتظامات کے حوالے سے جلوس میں شریک علماء کرام اورماتمی انجمنوں کے عہدیداران کو آگاہ کیا ۔اس موقع پر عزادارن حسینؓ ، علماء کرام اورانجمنوں کے عہدیداروں نے جناب الطاف حسین کی جانب سے ہر سال کی طرح امسال بھی ایم کیو ایم کی جانب سے عزاداران حسینؓ کو سہولیات فراہم کئے جانے پر ان سے اظہار تشکر کیا اورانہیں خراج تحسین پیش کیا ۔

مزید تصاویر