جیکب آباد میں خودکش دھماکے میں شہیدہونے والے ایم کیوایم کے چاروں کارکنوں علی رضا شہید ، سکندرعلی شہید ، نیاز جاکھرانی اوراصغرعلی شہیدکو سپردخاک کردیاگیا
شہیدوں کے جناز ے میں ایم کیوایم کے ارکان سندھ اسمبلی دلاورقریشی ایڈوکیٹ،دیوان چندچاؤلہ، ایم کیوایم جیکب آباد کے زونل انچارج اسلم تھہیم، جوائنٹ انچارج ارباب علی بلیدی، زونل کمیٹی ، کارکنوں اورہمدردوں کی بڑی تعدادکی شرکت
جیک آباد۔۔۔ 24 اکتوبر 2015ء
گزشتہ روز جیکب آبادکے علاقے لاشاری محلہ میں ماتمی جلوس میں ہونے والے خودکش دھماکے میں شہیدہونے والے ایم کیوایم کے چاروں کارکنوں علی رضا شہید ، سکندرعلی شہید،اصغرعلی شہید اور نیاز جاکھرانی کو جیک آبادکے مقامی قبرستان میں سپردخاک کردیاگیا۔ شہیدوں کے جناز ے میں ایم کیوایم کے ارکان سندھ اسمبلی دلاورقریشی ایڈوکیٹ،دیوان چندچاؤلہ، ایم کیوایم جیکب آبادکے زونل انچارج اسلم تھہیم، جوائنٹ انچارج ارباب علی بلیدی، زونل کمیٹی کے ارکان ، کارکنوں اورہمدردوں کی بڑی تعدادنے شرکت کی ۔شہداء کی تدفین کے موقع پر علاقے کی فضاء سوگوارتھی اورہرشخص اس سانحہ پراشکبارتھا۔ایم کیوایم کے رہنماؤں نے سانحہ پر شہداء کے لواحقین سے تعزیت کی ۔ واضح رہے کہ شہید کارکنوں میں سکندرعلی شہید اوراصغرعلی شہیدآپس میں سگے بھائی ہیں۔نیاز جاکھرانی گزشتہ روز بم دھماکے میں زخمی ہوگئے تھے جو زخموں کی تاب نہ لاتے ہوئے خالق حقیقی سے جاملے جبکہ دھماکے میں ایم کیوایم کے ایک کارکن حسن کھوسوبھی زخمی ہوئے جو ایئربیس اسپتال میں زیرعلاج ہیں۔