ایم کیو ایم را بطہ کمیٹی کے ارکان کی 9محرم الحرام اور عاشور کی درمیا نی شب انچولی سے نکلنے والے ما تمی جلو س میں شرکت، لیاقت آبا د میں روایتی تعزیو ں کا دورہ
ارکان رابطہ کمیٹی نے عزادارن حسین جلوس کی انتظامیہ سے ملاقات کی اور خدمت خلق فاؤنڈیشن کے کیمپس کا معائنہ کیا
کراچی ۔۔۔ 24 اکتوبر 2015ء
متحدہ قومی موومنٹ کی رابطہ کمیٹی کے ارکان امین الحق، زرین مجید اور کنورنویدجمیل نے دیگر ذمہ داران کے ہمراہ 9 محرم الحرام اور یوم عاشور کی درمیانی شب انچولی سے نکلنے والے ما تمی جلوس میں شرکت کی اور خدمت خلق فاؤنڈیشن کی جانب سے اعزادران کو طبی سہولیات کی فراہمی کیلئے لگائے گئے کیمپس کا دورہ کیا۔ واضح رہے کہ ما تمی اور عزاداری کے جلوس میں خدمت خلق فاؤنڈیشن کی ایمبو لینسیں بھی ساتھ ساتھ رہی جبکہ ماتمی جلوس کی گزر گاہوں پر شربت اور پانی کی سبیلیں بھی لگائیں گئیں اور جلوس کے شرکاء میں لنگر بھی تقسیم کیا گیا۔ دریں اثناء رکن رابطہ کمیٹی کنو یر نوید جمیل وحق پرست رکن صوبائی اسمبلی عظیم فاروقی نے لیاقت آباد ڈاکخانہ میں تیار کیے جانے والے قدیم و روایتی تعزیوں کا بھی دورہ کیا اور عوام سے ملاقات کی۔