بلوچستان کے علاقے بولان کی امام بارگاہ کاظمیہ میں بم دھماکے پر جناب الطاف حسین کا اظہار افسوس اور دعا
حکومت متاثرین کو سرکاری سطح پر علاج و معالجے کی بہترین سہولیات فراہم کرنے کیلئے احکامات جاری کریں، الطاف حسین
لندن۔۔۔۔22اکتوبر2015ء
متحدہ قومی موومنٹ کے قائد جناب الطا ف حسین نے بلوچستان کے علاقے بولان کی تحصیل بھاگ میں امام بارگاہ کاظمیہ میں بم دھماکے پر گہر ے دکھ اور افسوس کا اظہار کیاہے ۔ایک بیان میں جناب الطاف حسین نے بم دھماکے میں جاں بحق اور زخمی ہونیوالے متعدد افراد اور انکے اہل خانہ سے دلی ہمدردی کا اظہارکرتے ہوئے دعا کی کہ اللہ تعالیٰ بم دھماکے میں جاں بحق ہونیوالے افراد کو اپنی جوار رحمت میں جگہ اور اعلیٰ مقام عطافرمائے اور زخمیوں کو جلد و مکمل صحتیابی عطا فرمائے۔جناب الطاف حسین نے وفاقی اور بلوچستان کی صوبائی حکومت کے عہدیداران سے مطالبہ کیا کہ وہ امام بارگاہ بم دھماکے کے متاثرین کو سرکاری سطح پر علاج و معالجے کی بہتر سہولیات فراہم کرنے کیلئے احکامات جاری کریں ۔