محرم الحرام میں فرقہ وارانہ ہم آہنگی کے فروغ کیلئے رابطہ کمیٹی کے ارکان عبد القادر خانزادہ اور عارف خان ایڈووکٹ نے معروف عالم دین احمد حسین مسعودی اور ممتاز عالم دین یحییٰ عطاری سے علیحدہ علیحدہ ملاقاتیں کیں

کراچی ۔۔۔20، اکتوبر2015ء 

متحدہ قومی موومنٹ کے قائدجناب الطاف حسین کی ہدایت پر محرم الحرام کے دوران مذہبی رواداری اورفرقہ وارانہ ہم آہنگی برقراررکھنے کے لئے ایم کیوایم کی رابطہ کمیٹی کے ارکان عبد القادر خانزادہ اور عارف خان ایڈووکٹ نے معروف عالم دین احمد حسین مسعودی اور ممتاز عالم دین یحییٰ عطاری سے علیحدہ علیحدہ ملاقاتیں کیں۔ رابطہ کمیٹی کے ارکان نے علمائے کرام کو قائدتحریک الطاف حسین کاپیغام پہنچایااور علمائے کرام سے اپیل کی کہ وہ شہرمیں مذہبی رواداری کے فروغ،فرقہ وارانہ ہم آہنگی برقراررکھنے اوربھائی چارگی کی فضاء قائم رکھنے کے لئے اپناکرداراداکریں۔اس موقع ایم کیوایم علماء کمیٹی کے انچارج جاوید احمد، حق پرست رکن قومی اسمبلی شیخ صلاح الدین اور حق پرست رکن سندھ اسمبلی انور ضا بھی موجود تھے ۔ ملاقات میں علمائے کرام نے رابطہ کمیٹی کے ارکان سے گفتگو کرتے ہوئے کہاکہ سازشی ٹولہ شہرمیں فرقہ وارانہ فسادات کی آگ بھڑکانے کے لئے معصوم وبے گناہ لوگوں کاناحق خون بہاتا رہا ہے اور ایسے نازک حالات میں قائد تحریک جناب الطاف حسین کی فرقہ وارانہ ہم آہنگی کیلئے جو کاوشیں رہی ہیں وہ قابل قدر ہیں ۔ ۔ ملاقات میں احمد حسین مسعودی اور یحییٰ عطاری نے فرقہ وارانہ ہم آہنگی برقراررکھنے کے لئے ایم کیوایم کی کاوشوں کوسراہااوراپنی جانب سے ہرممکن تعاون کی یقین دہانی کرائی۔اس موقع پر انہوں نے قائد تحریک جناب الطاف حسین کی درازی عمر ، صحت وتندرستی اور عافیت کیلئے خصوصی دعا بھی کرائی ۔