کوئٹہ میں سریاب روڈ پرمسافر بس میں خوفناک بم دھماکے پر ایم کیوایم رابطہ کمیٹی کا اظہار مذمت
محرم الحرام کے موقع پر سریاب روڈ پر مسافر بس میں بم دھماکے کا فوری نوٹس لیا جائے، ایم کیوایم رابطہ کمیٹی
کراچی: ۔۔۔19، اکتوبر2015ء
متحدہ قومی موومنٹ کی رابطہ کمیٹی نے کوئٹہ میں سریاب روڈپرمسافر بس میں خوفناک بم دھماکے کی شدیدالفاظ میں مذمت کی ہے اور مطالبہ کیا ہے کہ محرم الحرام کے دوران مسافر کی بس کونشانہ بنانے والے کوگرفتارکرکے عبرتناک سزادی جائے۔ایک بیان میں رابطہ کمیٹی نے کہا کہ مسافر بس میں بم دھماکے کا مقصد ملک کو انتشار کا شکار کرنا ہے۔ رابطہ کمیٹی نے دھماکہ میں جاں بحق افرادکے لواحقین سے دلی تعزیت کااظہارکرتے ہوئے دعاکی کہ اللہ تعالیٰ جاں بحق افراد کوجنت الفرودس میں اعلیٰ مقام عطافرمائے اورسوگوارلواحقین کویہ صدمہ برداشت کرنے کاحوصلہ دے۔رابطہ کمیٹی نے کہاکہ ایک اایسے وقت میں جب ملک میں دہشت گردوں اوردہشت گردی کے خاتمے کے لئے ضرب عضب جاری ہے، دہشت گردوں کی جانب سے بس پردھماکہ لمحہ فکریہ ہے۔رابطہ کمیٹی نے وزیراعظم پاکستان میاں محمد نوازشریف، وفاقی وزیرداخلہ چوہدری نثارعلی خان اوربلوچستان حکومت سے مطالبہ کیاکہ محرم الحرام کے موقع پرسریاب روڈپرمسافر بس میں بم دھماکے کافوری نوٹس لیاجائے اورزائرین کی جان ومال کے تحفظ اوردہشت گردوں کے خاتمے کے لئے ٹھوس اقدامات کیے جائیں۔