کوئٹہ سریاب روڈ پر مسافر بس میں بم دھماکہ کھلی دہشت گردی ہے، الطاف حسین

لندن: ۔۔۔19، اکتوبر2015ء 

متحدہ قومی موومنٹ کے قائدجناب الطاف حسین نے کوئٹہ میں سریاب روڈپر مسافر بس میں بم دھماکے کی شدیدالفاظ میں مذمت کی ہے اوراسے کھلی دہشت گردی قراردیتے ہوئے دھماکے کے نتیجے میں متعددافراد کے جاں بحق وزخمی ہونے پردلی افسوس اور دکھ کا اظہار کیا ہے۔ ایک بیان میں جناب الطاف حسین نے مطالبہ کیا کہ سریاب روڈ پر مسافر بس میں بم دھماکے کا نوٹس لیا جائے اور دھماکے میں ملوث عناصراوران کے سرپرستوں کوگرفتارکرکے عبرتناک سزادی جائے۔جناب الطاف حسین نے بم دھماکے میں جاں بحق ہونے والے تمام افرادکے سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی ۔جناب الطاف حسین نے دعاکی کہ اللہ تعالیٰ جاں بحق ہونے والے تمام مسافروں کواپنی جواررحمت میں اعلیٰ مقام عطافرمائے اورسوگوارلواحقین کویہ صدمہ برداشت کرنے کاحوصلہ دے۔(آمین)