کراچی کے عوام کو انکا جائز حصہ نہیں دیا جاتا بلکہ دنیا بھر میں انکی تصویر کو مسخ کرکے پیش کیا جاتا ہے، رکن رابطہ کمیٹی زریں مجید

کراچی ۔۔۔18اکتوبر2015ء

بلدیاتی انتخابات 2015-16کے سلسلے میں ایم کیوایم کی جانب سے شہر کے مختلف علاقوں میں عوامی رائے عامہ ہموار کرنے کیلئے عوامی میٹنگزکا سلسلہ جاری ہے ۔اس سلسلے ایم کیوا یم کی جانب سے ہفتہ کی شب بلدیہ ٹاؤن رانگڑ محلہ میں عوامی میٹنگ کا اہتمام  کیا گیا جس میں رابطہ کمیٹی کی رکن زریں مجید، سینٹرل ایگزیکٹو کونسل کے انچارج وسیم اختر، اراکین سینٹرل ایگزیکٹو کونسل ایس ایم تنویر ،یوسف شاہوانی، ارکان اسمبلی اور رہائشیوں نے بڑی تعداد میں شرکت کی۔ اس موقع پر عوام سے گفتگو کرتے ہوئے زریں مجید نے کہا کہ ہر حکومت نے کراچی کے شہریوں کے ساتھ سوتیلی ماں جیسا سلوک کیا ہے ،کراچی کے عوام کو قومی وسائل میں انکے حق کا جائز حصہ نہیں دیا جاتا بلکہ دنیا بھر میں کراچی کے پر امن شہریوں کی تصویر کو مسخ کرکے پیش کیاجاتاہے ۔انہوں نے کہاکہ بلدیاتی انتخابات کراچی کے عوام کیلئے اپنا حق لینا کا سنہری موقع ہے لہٰذا عوام کراچی کی ترقی کیلئے ماضی کو مد نظر رکھتے ہوئے حق پرست قیادت کو اپنا قیمتی ووٹ دیں تاکہ ایک مرتبہ پھر اس شہر کو دنیا کے بہترین ممالک کی صف میں کھڑا کیا جاسکے۔ وسیم اختر نے کہا کہ حق پرست قیادت شہر کے مسائل کا باخوبی ادراک رکھتی ہے اور ان مسائل کے حل کیلئے ہر ممکن کوششیں کرتی رہی ہے ، امید ہے عوام آئندہ بلدیاتی انتخابات میں حق پرست قیادت پر ماضی کی طرح اپنے اعتماد کا اظہار کریں گے اور اپنے علاقوں سے ایم کیو ایم کے نامزد کردہ امیدواران کو ووٹ دیکر کامیاب کرائیں گے۔اس موقع پر حق پرست بلدیاتی نمائندوں اور عوام نے ایم کیوا یم رہنماؤں سے تبادلہ خیا ل بھی کیا اور اپنے علاقے کے بنیادی مسائل سے انہیں آگاہ کیا۔