وسیم اختر کی زیر صدارت ایم کیو ایم سینٹرل ایگزیکٹو کونسل کا اہم اجلاس
بلدیاتی انتخابات کے حوالے سے مختلف امور کا جائزہ لیا گیا، بلدیاتی منشور کیلئے کمیٹی قائم کردی گئی
سینٹرل ایگزیکٹو کونسل کی جانب سے بلدیاتی امیدواران کے حوالے سے حتمی سفارشات رابطہ کمیٹی کو پیش
اجلاس میں دیگر سیاسی جماعتوں اور مختلف برادریوں کے نمائندوں سے رابطے تیز کرنے کی تجویز پر تفصیلی تبادلہ خیال کیا گیا
کراچی ۔۔۔۔18اکتوبر2015ء
ایم کیو ایم کی سینٹرل ایگزیکٹو کونسل کے انچارج وسیم اختر کی زیر صدارت سندھ بھر میں 3دسمبر کو ہونیوالے بلدیاتی انتخابات کا جائزہ لینے کیلئے ایم کیوا یم سی ای سی کا اہم اجلاس منعقد کیا گیا ۔ اجلاس میں کراچی سمیت سندھ بھر میں بلدیاتی انتخابات کے حوالے سے مختلف امور کا جائز ہ لیا گیا ۔اس سلسلے میں سینٹرل ایگزیکٹو کونسل کی جانب سے بلدیاتی امیدواران کے حوالے سے حتمی سفارشات ایم کیو ایم رابطہ کمیٹی کو پیش ا ور بلدیاتی منشور کیلئے کمیٹی قائم کردی گئی ہے۔ اجلاس میں بلدیاتی انتخابات کے سلسلے میں صوبے کی دیگر سیاسی جماعتوں اور مختلف برادریوں کے نمائندگان سے رابطوں کے سلسلے کو تیز کرنے کی تجویز پر بھی تفصیلی تبادلۂ خیال کیا گیا ۔