سلمان اقبال کو گدھے پر بٹھا کر پورے سندھ میں چکر لگا کر عظیم الشان استقبال کیا جائے گا

کراچی ۔17اکتوبر 2016ء

ایم کیوایم لیبر ڈویثرن اور ایلڈرز ونگ کمیٹی کے ارکان نے اپنے ایک مشترکہ بیان میں کہا ہے کہ دنیا میں اللہ تعالیٰ نے اپنی مخلوقات اُتاری ہیں جس میں چرند ،پرند حتیٰ کہ نظرنہ آنے والے جراثیم ،وائر س ،فنگس،Algae(کائی) ،اسی طرح بڑے جانوروں میں ہاتھی ،شیر ،چیتا، زیبرا اور جدید ترین طویل القامت جانور پیدا کئے ہیں ان میں سواری کی غرض سے اور سامان اِدھر اُدھر کرنے کی غرض سے گاڑی لگاکر بیل گاڑی ،اونٹ گاڑی ،گدھا گاڑی کے نام سے منسوب کیا جاتا ہے اور انہیں بہت بڑے سے بڑا بوجھ اٹھانے کا کمال ہنر آتا ہے ۔انہو ں نے کہا کہ سب زیادہ بوجھ اٹھانے اور کام کرنے والے جانوروں میں گدھا ہے اور اسی طرح انسانوں میں سب سے زیادہ کام کرنے والا ARYکا CEOسلمان اقبال ہے لہٰذا اہلیان پاکستان خصوصا سندھ کے عوام نے فیصلہ کیا ہے کہ انعام کے طور پر سلمان اقبال کو بطور جانور سب سے زیادہ وزن اٹھانے والے جانور یعنی گدھے پر بٹھا کر پورے سندھ میں چکر لگا کر عظیم الشان استقبال کیا جائے گا۔