ایم کیوایم انٹرنیشنل سیکریٹریٹ کے رکن محمداشفاق کے چھوٹے بھائی محمدندیم کے انتقال پرقائدتحریک الطاف حسین کااظہارتعزیت

لندن ۔۔۔ 16 اکتوبر2015ء

متحدہ قومی موومنٹ کے قائدجناب الطاف حسین نے سابق رکن رابطہ کمیٹی اورانٹرنیشنل سیکریٹریٹ کے رکن محمداشفاق کے چھوٹے بھائی محمدندیم کے انتقال پر گہرے رنج وغم کااظہارکیاہے۔ محمدندیم کافی عرصہ سے معدے کے کینسرکے عارضہ میں مبتلاتھے اورکئی دنوں سے مقامی اسپتال میں زیرعلاج تھے ۔ جناب الطاف حسین نے محمداشفاق کے چھوٹے بھائی محمد ندیم کے انتقال پر ان کے تمام اہل خانہ سے دلی تعزیت کااظہارکرتے ہوئے کہاکہ مجھ سمیت ایم کیوایم کے تمام کارکنان وعوام آپ کے غم میں برابرکے شریک ہیں۔ انہوں نے دعاکی کہ اللہ تعالیٰ محمدندیم مرحوم کی مغفرت فرمائے ، انہیں جنت الفردوس میں جگہ دے اور تمام لواحقین کوصبرجمیل عطاکرے۔ دریں اثناء ایم کیوایم کی رابطہ کمیٹی اورانٹرنیشنل سیکریٹریٹ کے ارکان نے بھی محمداشفاق سے ان کے چھوٹے بھائی محمدندیم کے انتقال پر گہرے رنج وغم کا اظہار کیاہے اوردعاکی ہے کہ اللہ تعالیٰ محمدندیم مرحوم کواپنی جواررحمت میں جگہ عطافرمائے ۔