ایم کیوایم کے بیگناہ کارکنان و نامزد بلدیاتی امیدواران کی گرفتاریوں کی سخت ترین الفاظ میں مذمت کرتے ہیں۔ رابطہ کمیٹی

کراچی ۔۔۔ 15؍ اکتوبر 2015ء 

متحدہ قومی موومنٹ کی رابطہ کمیٹی نے ایم کیو ایم کے بیگناہ کارکنان و نامزد بلدیاتی امیدواران کے گھروں پر قانون نافذ کرنے والے اداروں کی جانب سے بلا جواز چھاپوں اور گرفتاریوں کی سخت ترین الفاظ میں مذمت کرتے ہوئے کہا کہ ایم کیوایم کے کارکنان اور نامزد بلدیاتی امیدواران کے گھروں پر چھاپے مارکر نہ صرف ان کو ہراساں کیا جارہاہے بلکہ چھاپے کے دوران متعلقہ افراد نہ ملنے پر انکے اہل خانہ کوبلاجواز گرفتارکرکے نامعلوم مقامات پر منتقل کیا جارہا ہے جس پر ایم کیو ایم اورگرفتار شدگان کے اہل خانہ کو ان کی زندگیوں کے حوالے سے شدید خدشات درپیش ہیں۔ انہوں نے کہا کہ جیسے جیسے بلدیاتی انتخابات نزدیک آتے جارہے ہیں کراچی آپریشن کی آڑ میں ایم کیوایم کے کارکنوں و ہمدردوں سمیت نامزد امیدوار ان کی گرفتاریاں حالیہ بلدیاتی انتخابات کی شفافیت پر سوالیہ نشان ہے جس پر الیکشن کمیشن کو بھی نوٹس لینا چاہیئے ۔انہوں نے کہ اس ہی تسلسل میں گزشتہ شب بلدیہ ٹاؤن UC-33 گلشن غازی سے ایم کیو ایم کے نامزد امیدوار برائے وائس چیئرمین فیصل احسن کی گرفتاری کے لئے ان کے گھرپر سادہ لباس اہلکاروں نے چھاپہ مارا اور فیصل احسن کے نہ ملنے پر ان کے جواں سال بیٹے صوبہ خان کو گرفتار کرکے لے گئے جبکہ لانڈھی کے ضلع کونسل UC-29 سے نامزد کونسلر کے امیدوار رفیق الحسن رہائشگاہ پر کی گرفتاری کے لئے پولیس نے چھاپہ مار ان کے بھائی محمد صدیق کو جوکہ ایم کیو ایم کے ایم او سی کے کمیٹی ممبر بھی ہیں گرفتار کر کے کے گئے۔اسی طرح نارتھ ناظم آباد سیکٹر یونٹ 173-A کے کارکنان منیر اور علی شان کو، یونٹ 1 سرجانی سیکٹر کے کارکن محمد دلاور خان اور یونٹ 123 اورنگی سیکٹر کے کارکن محمد دلشاد کو رینجرز اہلکارجبکہ یونٹ 83 کے کارکن عبدالسلام کو پولیس اہلکار ان کے گھر سے گرفتار کر کے لے گئے ، رابطہ کمیٹی نے وفاقی وزیر داخلہ چوہدری نثار علی خان ، وزیر اعلیٰ سندھ قائم علی شاہ سے مطالبہ کیا کہ ایم کیو ایم کے بے گناہ کارکنان کو فی الفور ررہا کیا جائے اور اگر کسی حوالے سے قانون نافذ کرنے والے اداروں کو مطلوب ہیں توان کو عدالتو ں میں پیش کیا جائے۔