متحدہ قومی موومنٹ کے بانی وقائد جناب الطاف حسین کی طبیعت میں آج بہتری
ایم کیوایم کے بانی وقائد جناب الطاف حسین کی طبیعت میں آج بہتری آئی ہے۔وہ گزشتہ تین روز سے لندن کے مقامی اسپتال میں زیرعلاج ہیں۔ آج بھی ڈاکٹروں نے جناب الطاف حسین کاطبی معائنہ کیا۔اور بلڈٹیسٹ کی رپورٹ کی روشنی میں کچھ مزید ٹیسٹ تجویزکئے ہیں۔ جناب الطاف حسین کو ڈاکٹروں کی جانب سے تجویزکردہ ضروری ادویات دی جارہی ہیں۔ آج جناب الطاف حسین کی طبیعت میں بہتری دیکھنے میں آئی ہے۔
جنا ب الطاف حسین نے ان کی صحتیابی کے لئے دعائیں کرنے والی ماؤں، بہنوں، بزرگوں، بچوں، نوجوانوں اورتمام چاہنے والے عوام کا شکریہ اداکرتے ہوئے انہیں آداب پیش کیا۔ انہوں نے تمام ترنامساعد حالات کے باوجود تحریک کے لئے کام کرنے والے اپنے ثابت قدم ساتھیوں کو سیلوٹ پیش کیا۔ جناب الطاف حسین کو طبیعت ناسازہونے کے باعث اتوار کی شام اسپتال میں داخل کیا گیا ہے۔
رابطہ کمیٹی نے کارکنان وعوام سے اپیل کی ہے کہ وہ قائدتحریک الطاف حسین کی صحتیابی اوردرازی عمر کے لئے دعائیں جاری رکھیں۔
لندن
3 فروری 2026ء