مظفر گڑھ میں پولیس اہلکاروں کی خاتون سے مبینہ طور پر اجتماعی زیادتی کے واقعہ پر شعبہ خواتین کی انچارج ورکن اسمبلی کشو زہرا کااظہار مذمت

متحدہ قومی موومنٹ شعبہ خواتین کی انچارج و حق پرست رکن قومی اسمبلی کشور زہرا نے مظفر گڑھ میں پولیس اہلکاروں کی خاتون سے مبینہ طور پر اجتماعی زیادتی کی سخت ترین الفاظ میں کی ہے اور انصاف نہ ملنے پر تھانے کے باہر خاتون کی جانب سے خودسوزی کرنے کے دلدوز واقعہ پر گہرے دکھ اور افسوس کااظہار کیا ہے۔ ایک بیان میں کشور زہرا نے کہاکہ پنجاب میں خواتین کے ساتھ زیادتی کے بڑھتے ہوئے واقعات اور ان واقعات میں مظلوم خواتین کو انصاف کے حصول تک سے سے محروم رکھنا سراسر ظلم ہے۔ انہوں نے کہاکہ مظفر گڑھ میں پولیس اہلکاروں کی خاتون سے اجتماعی زیادتی کے بعد خاتون کی جانب سے خود سوزی جیسا انتہائی قدم اٹھانا اس بات کا کھلا ثبوت ہے کہ پنجاب کی مظلوم خواتین بااثر اور طاقتور شخصیات کی ہوس کی بھینٹ چڑ رہی ہیں اور خواتین کی حقوق کی دعویدار پنجاب حکومت اس پر خاموش تماشائی کا مظاہرہ کررہی ہے جس کی جتنی بھی مذمت کی جائے کم ہے۔ انہوں نے مظفر گڑھ میں خاتون سے اجتماعی زیادتی کے واقعہ میں پولیس اہلکاروں کا ملوث ہونا پنجاب پولیس اور پنجاب حکومت کیلئے سوالیہ نشان ہے اور پنجاب پولیس سے ایسی کالی بھیڑوں کا جب تک صفایا نہیں کیا جاسکتا پنجاب میں امن و امان اور خواتین کے تحفظ کی امیدیں وابستہ کرنا بے کار ہے۔ کشور زہرا نے وزیراعظم نواز شریف اور وزیراعلیٰ پنجاب شہباز شریف سے مطالبہ کیا کہ مظفر گڑھ میں خاتون سے اجتماعی زیادتی میں مبینہ طور پر ملوث پولیس اہلکاروں کو قرار واقعی سزادی جائے اور پنجاب میں خواتین کے حقوق کے تحفظ قانون پر سختی سے عمل درآمد کرایاجائے۔