بلدیاتی انتخابات میں حق پرست پینل سے حصہ لینے کے اہل اور خواہش مند خواتین و حضرات اپنے حق پرست اراکین اسمبلی کے رابطہ آفس یا خورشید بیگم سیکریٹریٹ عزیز آباد میں دوپہر3سے رات 8بجے تک رابطہ کرسکتے ہیں ، اعلامیہ ایم کیوایم
خواہش مند حق پرست امیدواروں کی سہولت کیلئے بلدیاتی انتخابات کا کوائف نامہ ایم کیوایم کی ویب سائٹ www.mqm.orgپر اپ لوڈ کردیا گیا ہے
امیدواران اپنی تعلیمی اسناد کی فوٹو کاپیاں اور بجلی اور گیس کا ادا شدہ آخری بل اپنے ساتھ ضرور لائی
کراچی ۔۔۔20، ستمبر2015ء
متحدہ قومی موومنٹ نے اپنے ایک اعلامیہ میں کہا ہے کہ بلدیاتی انتخابات 2015ء کے سلسلے میں حق پرست پینل سے حصہ لینے کے اہل اور خواہش مند خواتین و حضرات اپنے علاقے کے حق پرست اراکین اسمبلی کے رابطہ آفس یا خورشید بیگم سیکریٹریٹ عزیز آباد نمبر8میں دوپہر 3بجے سے رات 8بجے کے دوران رابطہ کرسکتے ہیں ۔ اعلامیہ میں کہا گیا ہے کہ حق پرست پینل سے بلدیاتی انتخابات میں حصہ لینے کے خواہش مند خواتین و حضرات کیلئے عوام کی بے لوث خدمت کا جذبہ رکھنا اور میرٹ پر پورا اترنا لازمی ہے ۔ اعلامیہ کے مطابق خواہش مند حق پرست امیدواروں کی سہولت کیلئے بلدیاتی انتخابات کا کوائف نامہ ایم کیوایم کی ویب سائٹ www.mqm.orgپر اپ لوڈ کردیا گیا ہے جہاں سے امیدواران کوائف نامہ ڈاؤن لوڈ کرسکتے ہیں ۔ اعلامیہ میں مزید کہا گیا ہے کہ بلدیاتی انتخابات میں حق پرست پینل سے حصہ لینے کے اہل اور خواہش مند خواتین و حضرات اپنی تعلیمی اسناد کی فوٹو کاپیاں اور بجلی ، گیس کا ادا شدہ آخری بل اپنے ساتھ ضرور لائیں ۔