ایم کیوایم لیگل وکلاء ایم کیوایم کے اسیر کارکنان کے متعلق انکے اہل خانہ کو معلومات کی فراہمی کیلئے مؤثر طریقہ کار اختیار کریں، محفوظ یار خان

کراچی ۔۔۔6ستمبر2015ء

ایم کیو ایم کی لیگل ایڈکمیٹی کے صدرمحفوظ یار خان نے لیگل ایڈکمیٹی کے وکلاء کو ہدایت کی ہے کہ وہ ایم کیوایم کے اسیر کارکنان کے کیسز سے متعلق انکے اہل خانہ کو معلومات کی فراہمی کیلئے مؤثر طرز عمل اختیار کریں،ایم کیوایم کے وکلاء دن رات اسیر کارکنان کے کیسز لڑ رہے ہیں اور کام کی بہتری کیلئے تگ و دو کر رہے ہیں۔محفو ظ یار خان نے لیگل ایڈ کمیٹی کے اجلاس سے گفتگو کرتے ہوئے وکلاء کو ہدایت کی کہ وہ غیر فعال وکلاء ساتھیوں سے رابطے کرکے انہیں موجودہ صورتحال سے آگاہ کریں اور اسیر ساتھیوں کی قانونی معاونت میں مضبو ط کردار ادا کرنے کیلئے ذہن سازی کریں ۔انہوں نے اجلاس میں لیگل اڈ کمیٹی کی 8نئی ذیلی کمیٹیاں بنانے کا بھی اعلان کیا۔